ماسکو: اکیسویں ورلڈ کپ فٹ بال ٹورنامنٹ 2018ء میں (آج) بدھ کو مزید تین میچ کھیلے جائینگے۔
شیڈول کے مطابق فیفا ورلڈ کپ میں (آج ) بدھ کو پہلا میچ گروپ بی میں شامل ٹیموں پرتگال اور مراکش کے درمیان کھیلا جائیگا جو پاکستان کے معیاری وقت کے مطابق شام پانچ بجے شروع ہوگا۔
دوسرا میچ گروپ اے کی ٹیموں یوروگوئے اور سعودی عرب کے درمیان کھیلا جائیگا جو پاکستان کے معیاری وقت کے مطابق رات 8بجے شروع ہوگا جبکہ تیسرا میچ بھی گروپ بی میں شامل ٹیموں ایران اور سپین کے درمیان کھیلا جائیگا۔
یہ میچ پاکستان کے معیاری وقت کے مطابق رات 11بجے شروع ہوگا ۔ میگا ایونٹ کا کوارٹر فائنل مرحلہ 6 جولائی سے شروع ہوگا، میگا ایونٹ کا پہلا سیمی فائنل میچ 10 جولائی کو کھیلا جائیگا، دوسرا سیمی فائنل میچ 11 جولائی کو کھیلا جائیگا، تیسری پوزیشن کے لئے میچ 14 جولائی کو کھیلا جائیگا۔ میگا ایونٹ کے چمپئن کا فیصلہ 15 جولائی کو ہوگا۔