خضدار :  سابق صوبائی وزیر نیشنل پارٹی کے مرکزی رہنما پی بی 39 خضدار نال سے نیشنل پارٹی کے امیدوار سردار محمد اسلم بزنجو نے کہا ہے نیشنل پارٹی کی جڑیں عوام میں مضبوط ہیں ہم نے ہمیشہ عوام کے ساتھ قریبی روابط رکھا ہے اس لئے عوام کو ہم سے دور نہیں رکھا جا سکتا ہے ہم 25جولائی کو عوام کی حمایت اللہ کی مدد سے کامیاب ہو جائیں گے ۔

اپنے سابقہ روایات کے مطابق عوم کی خدمت جاری رکھیں گے ان خیالات کا اظہار سردار محمد اسلم بزنجو نے گریشہ کے مختلف علاقوں میں انتخابی جلسوں سے خطاب کرتے ہوئے انہوں نے کہا کہ بلوچستان میں نفرت و قتل غارت گری کی ماحول کو امن و شانتی بھائی چارگی میں تبدیل کرنے میں نیشنل پارٹی کی حکومت نے بنیادی کردارادا کیا ۔

امن سے زندگی گذارنا اللہ کی سب سے بڑی نعمت ہے نیشنل پارٹی کے یہی ایک احسان کو یاد رکھا جاے تو بھی کافی ہے اس کے ساتھ ہم اپنے انتخابی حلقوں میں کروڑوں روپیہ کے ترقیاتی کام کئے ہیں یہ ریکارڈ بھی سرکاری ہے اور موجود بھی ہے ۔

اگر اس طرح کے زمینی حقائق کو کوئی نہیں جانتا یا نہیں مانتا تو کیا کیا جا سکتا ہے سیاست میں روا داری کا درس عزت و احترام کا جذبہ ہمیں مورثی ملا ہے اس طرح کے اخلاقی اقدار کا لحاذ ہم ہر صورت میں رکھیں گے ۔

ہمارے مخالفین ہمارے کردار پر تنقید کرنے مکمل حق پہنچتا ہے لیکن اس کے حدود بھی ہوتے ہیں فیصلہ عوام کو کرنا ہے کہ وہ کس کے ساتھ ہیں عوام کا ہر فیصلہ ہمیں قبول ہوگا اور اس کے لئے ہمارے سیاسی حریفوں کو تیار رہنا چاہیئے ۔