زانت ءُُ سرپدی دو جتائیں چیزانی نام انت۔زانت،زانگءَ انت ،سرپدی ہمے زانگ ءِ بیان ءَ راگشگ بیت ۔اگاں کسے چیزے ءِ بابت ءَ سرپد بہ بیت آئی ءَ را زانتکار گشگ نہ بیت بلکیں سرپدیں مردمے گشگ بیت۔

چوکہ یک مردمے اپس تاچی ءِ بابت ءَ سرپد انت آ دومی مردم ءَ را ہم سرپد کت کنت پمشکاآئی ءَ سرپدیں مردم گشگ بیت زانتکار اِناں ایشیءِ درور ءَ اے حساب ءَ بدیاں داں گیشتر پوہ ناک بیت کہ موبائل ءِ کارمرزکنوک سرپدیں مردمے گشگ بیت بلئے موبائل جوڑ کنوک زانتکار گشگ بیت کہ ہمائی زانت ءَ اے چیز جوڑ کتگ ۔مئے چاگرد ءَ سرپدیں مردم بازانت بلئے زانتکار نیست انت ۔

مثال ءِ حبر ءَ یک واقع دپتر بوتگ آئی ءِ بابت ءَ سرپدی بازیں مردم ءَ بیت کنت بلئے ہما واقع ءَ چہ ہیل کنوک ایوک ءَ زانتکار بوت کن اَنت۔آ ایوک ءَ واقع ءِ جاہ آئی ءِ روچ ءُُ رمس ءَ گیرءَ نیاراں بلکیںآئی ءِ بن ءُُ بنزہ ءَ چارانت ہمے وئیل ءِ بوہگ ءُُ آئی ءِ نکس ءُُ نپ ءِ بابت ءَ پگر کن اَنت۔

دومی زانتکاریں مردم مدام نوک ءَ نوک تریں چیزانی بابت ءَ پگر کنت بلئے سرپدی داروک ایوک ءَ گیر آرگ ءِ جہد کنت کہنیں چیزانی زمانگ چشیں مردماں بلکیں اول گشتاں عالم بزانت بلئے گڈٰی ءَ وہدے ایشانی زانت ءِ کیلو دیم ءَ کیت اے سک کسان بنت۔ سرپدی داروکیں مردم مدام ہمے چیز ءِ حیال ءَ گار انت کہ کیا چے چے داتگ بلئے زانتکاریں مردم ہمے پگر کنت کہ من چے دات کن اَنت۔

وتی چپ ءُُ چاگرد ءَ بچار اِت کہ مئے گور ءَ چنت مردم ایوک ءَ سرپدی دار اَنت ءُُ چنت زانتکار اَنت،چنت ایوک ءَ دومی مردم ءَ رد دئیگ ءِ جہد ءَ گلائش اَنت ءُُ چنت زانت دئیگ لوٹ اَنت۔اگاں اے چیز زانگ بہ بیت ،دنیا بدلی ءَ دیر نہ کنت ۔