خضدار :  باغبانہ کے قریب قومی شاہراہ پر پنجگور سے خضدار آنے والی کار کورک کے مقام پر الٹ گئی پانچ ماہ کا بچہ جاں بحق ، آئی ٹی آفسر پنجگور شہزاد احمداور ان کی اہلیہ زخمی ہو گئے ۔

تفصیلات کے مطابق اتوار کو باغبانہ کے قریب قومی شاہراہ پر پنجگور سے خضدار آنے والی کار کورک کے مقام پر ٹائر برسٹ ہونے کے باعث بے قابو ہو کر الٹ گئی جس کے نتیجے میں پانچ ماہ کا بچہ فرخ ولد شہزاد موقع پر جاں بحق ہو گیا جبکہ ان کے والد آئی ٹی آفسر پنجگور شہزاد احمد اور ان کی اہلیہ زخمی ہو گئے جنہیں فوری طور پر مقامی ہسپتال پہنچایا گیا ضروری کاروائی کے بعد نعش ورثاء کے حوالہ کر دیا گیا جبکہ زخمیوں کی حالات خطرے سے باہر بتائی گئی ہے۔