قلات: قلات خالق آباد منگچر میں نامعلوم مسلح افراد کی فائرنگ سے لیویز اہلکار جانبحق ہو گیا ہے ۔

لیویز اہلکار عبدالسلام ڈیوٹی ختم کر کے اپنے گھر جارہے تھے کہ رنگی رئیسانی کے قریب انہیں فائرنگ کا نشانہ بنا یا گیا خالق آباد لیویز کے مطابق گزشتہ روز خالق آباد لیویز کے اہلکار عبدالسلام قوم مینگل ڈیوٹی ختم کر کے اپنے گھر جارہے تھے کہ نامعلوم مسلح افراد نے رنگی رئیسانی کے علاقہ میں انہیں فائرنگ کر کے قتل کر دیا اور موقع سے فرار ہو نے میں کامیاب ہو گئے ۔

اطلاع ملتے ہی لیویز موقع پر پہنچ گئی اور نعش کو تحویل میں لیکر بی ایچ یو خالق آباد پہنچا دیا جہاں ضروری کاروئی کے بعد لاش کو ورثاء کے حوالے کر دیا گیا ہے خالق آباد لیویز نے نامعلوم ملزمان کے خلاف مقد مہ درج کر کے تفتیش شروع کردی ہے