خضدار : کوئٹہ سے کراچی جانے والی مسافر کوچ اور مخالف سمت سے آنے والی مزدا ٹرک میں تصاد م پانچ افراد جاں بحق اور بیس کے قریب مسافر زخمی ہو گئے ،جاں بحق اور زخمیوں کو گورنمنٹ ٹیچنگ ہسپتال خضدار منتقل کر دیا گیا ڈپٹی کمشنر خضدار محمد الیاس کبزئی موقع پر پہنچ کر زخمیوں کو ہسپتال منتقل کرنے کی ریسکیو کی نگرانی کرتے رہے ۔
تفصیلات کے مطابق رات گئے زاوہ کے مقام پر کوئٹہ سے کراچی جانے والی مسافر کوچ اور مزدا ٹرک کے درمیان تصادم ہوا جس کے نتیجے میں پانچ مسافر جاں بحق جبکہ بیس کے قریب زخمی ہو گئے حادثہ کی اطلاع ملتے ہی ڈپٹی کمشنر خضدار محمد الیاس کبزئی ،اسسٹنٹ کمشنر خضدار ببرک خان و دیگر موقع پر پہنچ گئے ۔
زخمیوں و جاں بحق ہونے والوں کو لیویز کی گاڑیوں ایدھی کے ایمبولینسوں کیذریعے گورنمنٹ ٹیچنگ ہسپتال خضدار منتقل کر دیا گیا ہسپتال انتظامیہ کے مطابق زخمیوں میں متعدد کی حالت تشویشناک بتائی جاتی ہے ۔