بلوچی زبان ءُُ لبزانک ءَ را چنائی ءَ یک جوانیں کدگے نہ رستگ کہ آئی بانزل جوانی ءَ پچ بہ بنت ءُُ پہ زبان ءُُ لبزانک ءَ ہما کاراں کت بہ کنت کہ یک زبانے ءَ را کنگی اَنت۔مروچیگیں دور یک سیاسی دورے ءُُ ہچ کار بیدئے سیاسی سروکانی ءَ بوت نہ کنت ۔یک اکیڈمی یے کہ جہدآئی ہمیش اِنت کہ بلوچی زبان ءُُ لبزانک ءَ را یک انچیں جائے ءَ سر بہ کنت کہ آئی ءَ را بوہگی بوتگ۔
بلوچی زبان ءُُ لبزانک ءَ را چنائی ءَ یک جوانیں کدگے نہ رستگ کہ آئی بانزل جوانی ءَ پچ بہ بنت ءُُ پہ زبان ءُُ لبزانک ءَ ہما کاراں کت بہ کنت کہ یک زبانے ءَ را کنگی اَنت۔مروچیگیں دور یک سیاسی دورے ءُُ ہچ کار بیدئے سیاسی سروکانی ءَ بوت نہ کنت ۔یک اکیڈمی یے کہ جہدآئی ہمیش اِنت کہ بلوچی زبان ءُُ لبزانک ءَ را یک انچیں جائے ءَ سر بہ کنت کہ آئی ءَ را بوہگی بوتگ۔
مرچی بلوچی اکیڈمی کوئٹہ ءِ اگاں گرانٹ ہما بوتیں کہ بلوچی اکیڈمی ءِ واکداراں وتی جتا جتائیں کاگد ءُُ کراچاں سرکارا ءَ سوگہ کتگ کہ بلکیں بلوچی زبان ءُُ لبزانک ءِ دل ءَ گرکے جتگ اَت بلئے حیف ءُُ سد افسوس کہ بلوچی اکیڈمی ءِ گرانٹ ءِ گیش کنگ ءِ جاہ ءَ چہ سرکار ءِ نیمگ ءَ آئی گرانٹ کم کنگ ءُُ دگہ یک بے نامیںیا چوبگش کہ کاگدی اکیڈمی ءَ را دئیگ بوتگ ۔
اگاں چہ سرکار ءُُ ہما کاگدی اکیڈمی ءِ سروکانی نیمگ ءَ ہمے گشگ بوتگ کہ آ گرانٹ کہ چہ بلوچی اکیڈمی ءِ نیمگ ءَ کم کنگی بوتگ آ دارگ بوتگ بلئے اکیڈمی ءِ واکدارانی گشگ اِنت کہ انگت ءَ ہما کم بوتگیں گرانٹ کاگدی دروشم ءَ اکیڈمی ءَ سرکنگ نہ بیت بزاں انگت ءَ بوت کنت کہ سرکار آئی گرانٹ ءَ کم بہ کنت ۔بلوچی اکیڈمی ءِ گرانٹ ءِ کم کنگ ءَ را درائیں ادب دوست ءُُ زبان دوستیں مردماں ایر جتگ ءُُ بلوچستان ءِ ٹوئیں اکیڈمیاں ہم وتی زارشانی درشان کتگ ۔
ءُُ سرکار ءِ اے گامگیج ءَ را س ایر جتگ۔بلوچی اکیڈمی ءِ واکداراں بازیں کاگدے سرکاری اگدہ داراں نبشتہ ءُُ وتی کتہ کاریانی بابت ءَ حکومت ءَ را سرپد کتگ بلئے انگت ءَ حکومت ءِ نیمگ ءَ اکیڈمی ءَ را دست گرگ نہ بیت ۔
پاکستان ءِ اے گہ صوبہانی اکیڈمیانی گرانٹ ءَ کروڑانی تہا اَنت بلئے بلوچستان ءِ کہ مستریں اکیڈمی اِنت آئی گرانٹ ءِ گیش کنگ ءَ بل استیں گرانٹ ءَ ہم کم کنگ ءِ چار ءُُ بچار بوہگ ءَ اِنت اے وڑیں راجے انگت ءَ وتی زبان ءُُ لبزانک ءِ دیمروئی ءِ گپ ءَ بہ جنت داں میاری بیت ۔بلوچی اکیڈمی ءِ کارگشادانی گشگ اِنت کہ آواں گوں سرکاری مردماں گند ءُُ نند کتگ ءُُ آوانی ہمے سدکی داتگ کہ نہ ایوک ءَ اکیڈمی ءِ گرانٹ ءَ را گیش کنگ بیت۔
بلکیں ہما داتگیں نوکیں پروپوزلانی ہم کمکی ءَ سرکار درائیں حرچ ءُُ درچ ءَ وتی کوپگاں زوریت ۔اکیڈمی ءِ اے دگہ درائیں کارگشاد چنائی ءَ پہ وتی جند ءِ رضاءَ کار کنگ ءَ اَنت بلئے ابید چریشی ءَ اکیڈمی ءَ وتی گرانٹ ءَ چہ شش مردم کار ءَ جتگ ءُُ آوانی ماہی پگار ہم ہمے گرانٹ ءَ چہ دئیگ بوہگ ءَ اِنت اگاں سرکار ہمے مردمانی کہ آ پہ پگار اکیڈمی ءَ کار کنگ ءَ اَنت آوانی پگار اں چہ سرکاری نیمگ ءَ دئیگ بہ بنت۔
اے ہم پہ سرکار ءِ نیمگ ءَ گوں زبان ءُُ لبزانک ءَ مہرانی درشانی اِنت ۔سرکار ءِ مردمانی کار ہمیش اِنت کہ آ وتی شاعری ءُُ ردانک نویسی کت نہ کن اَنت بلئے ہمے شاعر ءُُ ادیبانی پشت دردی ءُُ آوانی کتابانی چھاپ ءَ بلوچی اکیڈمی کوئٹہ ءِ کمک ءَ وَ کت کن اَنت بائد اِنت اے گران نیادیں دور ءُُ باریگ ءَ اکیڈمی ءِ گرانٹ ءَ دہ کروڑ بوتیں پدا بچار اِتیں اکیڈمی چتوریں کار کنت ۔
بلوچی اکیڈمی ءِ انوگیں کارگشادانی بازیں پروپوزل است اَنت کہ آ پہ زبان ءُُ لبزانک ءَ ،پہ بلوچستان ءِ تاریخ ءُُ ثقافت ءَ ءُُ آوانی ربیدگانی پہازی الم اَنت بلئے اکیڈمی ءَ ایوک ءَ ہمے گرانٹ ءَ جتگ کہ سک کم اِنت ۔
آ ہرچی کہ وتی پاداں نزکرایت آئی چادر ہمنچو گونڈ کنگ بیت ۔بائد اے چادر انچو پراہ ءُُ شاہگان بوتیں کہ پادانی دراجی ءَ گسر دگہ دست ءُُ گورے جاگہ بوتیں پدا ندارگ بچار اِتاں ۔بلئے سرکار ءِ نیمگ ءَ ہچ چشیں گامگیجے ءِ سدکی نیست انت کہ دل ایمن بہ بیت ۔پمشکا چم گوں سرکار ءَ سک اَنت کہ آ وتی دست ءَ پہ اکیڈمی ءَ دراج بہ کنت۔