نصیرآباد ڈویژن ءَ ہمک روچ مردمانی زارشانی ءِ حبر ءُُ حال ہمک روچ روتاک ءُُ حالرسانکی اے دگہ گلاں دیم ءَ پیداک اَنت آہود ءِ مردم پہ کورجوہی آپ ءَ تلوسگ ءَ اَنت۔ کہن ءُُ کور جوہی آپ نہ بوہگ ءِ دو مستریں سوب بوت کن اَنت۔

یکے ایش کہ بلوچستان ءِ ہما دمگاں کورجوہی آپ رسگ ءَ نہ کہ آہود ءَ ایشیءِ جوہ کشگ بوتگ اِنت۔ اگاں چہ سندھ اے درگت ءَ وتی کچ ءُُ کساس ءَ آپ رسینگ ءَ اِنت بلئے بلوچستان ءِ تہا ورگی ساپیں آپ رسگ ءَ نہ اِنت ۔

کیرتہر کورجوہ ءِ آپی کیاس ۱۴۰۰ تاس اِنت بلئے آئی ءَ را ۶۰۰ تاس رسینگ بوہگ ءَ اِنت ، ہمے ڈول ءَ پٹ فیڈر ءِ بہرگ ءَ ۶۰۰۰ تاس آپ بوہگی اِنت بلئے آہود ءَ ۲۰۰۰ تاس ءَ کم آپ رسینگ بوہگ ءَ اِنت۔بلوچستان چوکہ سندھ دریائے ءِ گڈی بہرگ ءَ ہور اِنت پمیشکا کلاں زیات تاوان بلوچستان ءِ مردمان بوہگان اِنت۔پنجاب ءُُ سندھ وتی بہرگ ءِ ساپیں آپ ءَ زیر اِنت بلئے بلوچستان ءِ بہرگ ءَ ہچی پشت نہ کپیت۔

اپسوز ءُُ دل سوچکیں حبرایش اِنت ہکومتی سروکاں گوں اے جیڑگ ءَ ہچ سروکار نیست اِنت ءُُ آپی وزیر ءَ ہم اے تک ءَ کورجاہانی بابت ءَ ہچبر جست ءُُ پد نہ کتگ ۔آئی ءِ گیشتریں تروگرد کوئٹہ ءُُ اسلام آباد ءَ اَنت آئیءَ را اے جیڑگ ءِ بابت ءَ ہچ سرپدی نیست اِنت ۔سکیرٹری ءُُ چیف انجینئراں اے بابت ءَ کس ارزشت نہ دنت ءُُ آہانی گپ سندھ ءُُ پنجاب ءَ گوشدار اوں نہ بیت ۔پمیشکا اے تک ءَ سروزیر ءَ وت گامگیج زورگی اِنت کہ آ گوں سندھ حکومت ءَ اے بابت۔

ءَ تران بہ کنت ءُُ بلوچستان ءِ اے بہرگ ءَ ورگی ساپیں آپ رسینگ ءِ بابت ءَ پگر بہ کنت۔اگاں ملک ءِ تہا کورجوہ ءُُ کہنانی تہا کمی است اِنت گڈاں بائد درائیں صوبہ آنی تہا یکے دومی ءِ کمک ءُُ مدت کنگ بہ بیت تہنا بلوچستان ءَ را بائد ءِ اے جیڑگ ءِ دیمپان کنگ مہ بیت ۔دومی سوب آپ نیستی ءِ ایش انت کہ ملک ءِ تہا کہن ءُُ کاریزانی سرا اوں لب ءُُ ملام واری کنگ بوہگ ءَ اِنت ایوک ءَ یک روچے ءِ ہاتر ءَ چیف سیکرٹری ءِ گشگ ءِ پداں چل (۴۰) ءِ کچ آپی پمپ دور کنگ بوت اَنت۔

ءَُ آپ ءِ دُزی بندکنگ بوت ۔بلئے دومی روچ ءَ گیشتریں لب ءُُ ملام واری ءَ آپ ءِ دُزی پدا بندات کنگ بوت۔آپ دزی ءَ نہ ایوک ءَ جہلی تبک ءِ مردم بلئے وت سرکاری مردم ہم اے تک ءَ ہوار اَنت گڈاں اے ملک ءَ ورگی آپ لس مہلوک ءَ چتور دسترس ءَ اتک اَنت وہدے ملک ءِ سروک وت دُز اَنت ،بائدیں حکومت ءَ آپ ءِ دزی ءِ ہلاپ ءَ مزنیں ڈند ءُُ ملامے بستیں ءُُ کس ءَ وتی زوراکی کنگ ءَ مکن بہ کتیں ۔

بائد حکومتی سروک درائیں آپی پمپ ءُُ وائر کورساں بند بہ کنت ءُُ آپ دُزان زوتاں چہ زوت بندیگ جاہ ءَ دزگیر بہ کنت۔بلئے ایشاں چہ ساری ءَ ہما افسرانی سرا کاروائی بہ کنت کہ آ گوں آپ دُزاں ہوار اَنت ءُُ چہ آہاں لب ءُُ ملام زور اَنت،سندھ ءِ افسری مردم بلوچستان ءِ لس مردمانی گوما زیادتی کنگ ءَ اِنت۔

ءُُ آہانی کور جوہ دارگ ءُُ وتی نیمگ ءَ ترینگ بوہگ ءَ اَنت۔بائد ہمیش اِنت کہ سندھ ءُُ پنجاب ءِ سروزیر گوں مزن وزیر ءَ گند ءُُ نندے بہ کن اَنت ءُُ بلوچستان ءِ ہمرائی ءَ ہما درائیں دمگاں کہ آہود ءِ ورگی آپ ہمے کور جوہاں چہ رسینگ بوہگ ءَ انت،ایشی ءِ درائیں جیڑگاں گیشوار بہ کن اَنت،دانکہ مردماں ورگی ساپیں آپے دسترس ءَ بہ بیت۔