تربت : بلوچستان نیشنل پارٹی کے مرکزی رہنما،حلقہ پی بی 47کیچ IIIمند،دشت اورگوکدان کے سابق امیدوارمیجرجمیل احمددشتی کامندکے اہم علاقوں لبنان ، سورو، گیاب ، نوکیں کہن ودیگرعلاقوں میں سیاسی وسماجی شخصیات سے ملاقات ، مختلف علاقوں میں فوتگی پرتعزیت ۔

تفصیلات کے مطابق بلوچستان نیشنل پارٹی کے مرکزی رہنما،حلقہ پی بی 47کیچ IIIمند،دشت اورگوکدان کے سابق امیدوارمیجرجمیل احمددشتی کامندکادورہ کیاجہاں انہوں نے بی این پی کے کارکنان اورہمدردوں سے ملاقات کی اورضمنی الیکشن میں ووٹ کرنے پران کاشکریہ اداکیا۔

اس موقع پرانہوں نے کہاکہ سیاست میں جیت اورشکست دوحقیقت ہیں لیکن ہمیں بزورطاقت شکست دیاگیااورہمارے ووٹوں اورعوامی مینڈیٹ کودن دہاڑے لوٹاگیا،تاریخ میں بینک اوردولت پرڈاکہ ڈالنے کے واقعات رونماہوتے رہے ہیں لیکن یہاں عجب روایت کی طرح ڈالی گئی ہے کہ لوگوں کے حق رائے دہی کوچھین کر اوراسے عوام سے بدظن اورراتوں رات بنائے گئے لوگوں کودیاجائے ۔

انہوں نے کہاکہ ایک سیاسی پارٹی کوایک رات میں تخلیق کیاگیااوراس نومولودکوکئی بچے عطاکردئیے گئے اورآج وہ بلوچستان کے عوام اورآنے والی نسلوں کے مستقبل کوتاریک بنانے کے منصوبوں پرکاربندہیں۔

انہوں نے مزیدکہاکہ یہ عوام کی بی این پی اوراس کے قائدسرداراخترجان مینگل اوربی این پی کے موقف سے محبت ہے کہ انہوں نے گھروں سے نکل کرخوف اورمراعات کوبالائے طاق رکھ کرہمیں ووٹ دیا،عوامی مینڈیٹ اورووٹوں کے مطابق جیت ہماری ہوئی ہے ۔

علاقوہ ازیں انہوں نے مندکی مختلف سیاسی وسماجی شخصیات سے ملاقات کی ان سے سیاسی امورپرگفتگوکی ، علاوہ ازیں میجرجمیل احمددشتی نے گیاب میں حنیف بلوچ سے ان کے فرزندکی وفات پر، بی این پی مندکے سینئررکن عبدالحمیدگورگیج سے ان کے چچاکی وفات پران کے گھرنوکیں کہن میں تعزیت کی ، دریں اثنابی این پی مرکزی کمیٹی کے رکن میرباہڑجمیل دشتی ، واحدبلوچ رکن آرگنائزنگ کمیٹی دشت ، ممتاذلعل پروفیشنل سیکرٹری تحصیل تربت ، نصیرگچکی اوردیگربھی ان کے ہمراہ تھے ۔