کوئٹہ: بلوچستان کے ضلع آواران میں لیویز اہلکاروں نے فائرنگ کے تبادلے کے بعد لیویز اہلکاروں سے چھینی گئیں بلٹ پروف جیکٹیں برآمدکرکے تین ملزمان کو گرفتار کرلیا۔ 

لیویز ذرائع کے مطابق چند روز قبل نامعلوم ملزمان نے لیویز کی گیشکور چیک پوسٹ پر اسلحہ کرکے اسلحہ ، بلٹ پروف جیکیٹیں اور گاڑی چھین کر فرار ہوگئے تھے اس واقعہ کے بعد گزشتہ روز لیویز نے خفیہ اطلاع پر تین ملزمان اور سہولت کاروں کو گرفتار کیا گیا جس کے بعد ہیکان ندی کے قریب ملزمان کے باقی ساتھیوں کی موجودگی کی اطلاع پر کارروائی کی ۔ 

فائرنگ کے تبادلے کے بعد ملزمان فرار ہوگئے ۔ ملزمان کے ٹھکانے سے 13بلٹ پروف جیکیٹیں، ایک رائفل اور ایک گاڑی برآمد کرلی گئی۔