کوئٹہ: کوئٹہ میں یوم پاکستان کے موقع پر دہشتگردی کی کوشش ناکام بناکر بم برآمد کرلیا گیا۔ 

پولیس کے مطابق کوئٹہ کے علاقے سبزل روڈ پر پود گلی چوک کے قریب کھیتوں میں مشکوک چیز دیکھ کر شہری نے پولیس کو اطلاع دی۔ موقع پر پہنچ کر پولیس نے علاقے کو گھیرے میں لیا اور بم ڈسپوزل اسکوارڈ کو طلب کیا۔تلاشی لینے پر کھیتوں سے تین کلو وزنی دیسی ساختہ بم برآمد ہوا جسیناکارہ بنا دیا گیا۔

بم برآمد گی کا مقدمہ تھانہ بروری میں انسداد دہشت گردی اور دھماکا خیز مواد ایکٹ سمیت دیگر دفعات کے تحت نامعلوم ملزمان کے خلاف درج کرلیا گیا۔ پولیس کا کہنا ہے کہ بم یوم پاکستان کے موقع پر دہشتگردی کی غرض سے چھپایا گیاتھا تاہم بروقت کارروائی سے یہ منصوبہ ناکام بنا دیا گیا۔