ہست ات یک بادشاہ یے ، آئی سے جنک ات انت، آہانی تہا کستریں ءِ نام ات روح کہ سک ڈولدار ات۔ ایپروڈائیٹ پرائی ءَ سک زہر اتک آئی سوڈگ کت کہ چون آئی ءَ رد بدیاں ۔

’’ من اے نوک ردوم ءَ یک سبقے دیاں ‘‘ آئی ءَ گوں وت ءَ گشت ’ آ اے گوہ ءَ چو وارت کہ ہر دیم ءَ ترات ءُُ کیت کہ آ منی وڑیں شررنگے ؟ وہدے من گوں آئی ءَ گوں کپاں گڑا آ زانت کہ بائدیں آ اے دنیا ءَ بدرنگے پوگلے ءِ رنگ ءَ ودی بوت انت ۔ آئی ءَ وتی بچ ایرس پرے کار ءَ حاترا توار پر جت ءُُ گشت ’’ منی بچ تئی مات سک کم شرپ کنگ بوتگ جہل آ قلات ءَ بچار؟ قلات ءِ آ وابجاہ ءَ اودا یک جنکے واب انت ۔ تو برو آئی ءَ را یک تیرے بجن‘‘ ’’ بلئے آ واب انت منی مات ، ءُُ اے شریں کارے نہ انت ‘‘ ’’ بالکل شریں کارے نہ انت بلکیں حرابیں کارے بلئے من پرآئی ءَ ہمے کار سازاتگ ۔

’’ بلئے وہدے تیر ءِ جنگ ءِ ساہت آپاد کیت گڑا ہما اولی ذاتے ءَ کہ آ گندے گڈا آ پہ ہمائی ءَ دلاپ ءُُ شیدا ءُُ گنوک بیت ، پرے کار ءَ اگاں آ واب انت گڈا شرتر انت ‘‘

’’ تو وہدے واب ءَ گوں کمان ءَ تیر ءَ آئی ءِ بدن ءَ شیکرے گڈا آئی دل یک جوزگے ودی بیت کہ گوں واب ءِ پاد آہگ ءَ آ اولی چیز یا ذات ءَ کہ گندگ ایت آئی ءِ عشق ءَ گرفتار بیت ءُُ آئی ءِ بندوبست ءَ من کناں خہ گوں واب ءِ پاد آہگ ءَ آ کئے ءَ بگندات بلکیں قلات ءِ پٹلو بہ بیت ۔

ءُُ بلکیں باگپان آئی ءَ ہمے زوتاں وتی یک سد ءُُ دومی بوتن ءِ روح داشتگ یا ھرے بہ بیت یاں اے ہم بوت کنت من تنیگہ اے سوڈگ نہ کتگ بلئے تو پرے گپ ءَ سدک بو کہ اے چونیں نہ وشیں ساہدارے بوت کنت آئی ءِ کہول ابکہ بیت ۔‘‘ 

’’ اے سکیں ناروئیں پندلے ماتی !‘‘
’’ اں ‘‘ منی چک اے بائدیں کہ ناروئیں بے بہ بیت من ترا گش اے جنک ءَ گوں من ناروئیں کتگ نوں برو ءُُ وتی کار ءَ بکن ‘‘

گوں ادب ءُُ احترام ایرس جہل ءَ قلات ءَ شت آئی ءَ وتارا پہنیام ءُُ اندیم کناں کت داں جنک ءِ واب جاہ ءَ سربوت۔ آاوشتات ءُُ آئی ءِ چارگ ءَ لگ ات۔’’ اے سک ڈولدار انت‘‘ آئی ءَ گشت ، اے وت سک جلوہ ناک انت بزگیں جنکو!‘‘

آ آئی ءِ سراجہل بوت ، وتی کمان ءِ تیرے درکت تنکہ آئی ءِ کوپگ ءَ شکور ایت بلئے توارے زلور بوتگ ات کہ آئی ءَ وتی چم ہچ کت انت آئی ءِ تچک وتی چم ایر پرسک داستگ ات انت بلئے آ آئی ءَ را گندگ نہ ات ایوک ءَ آئی ءِ چم آئی ء راسک ات انت ،ہمے ساعت ءَ تیر چہ آئی ءِ دست لگشت ءُُ ایرس ءِ جند ءِ دست ءِ شکرت۔آہمردامک بوت دانکہ شرکیں زہر آئی ءِ درائیں بدن ءَ شنگ ءُُ تالان بوت انت ۔

آیکبرے حیران بوت ، پدا آئی ءِ سر چہ وشی ءُُ لذت ءَ تزگ ءَ لگ ات ۔ آئی ءَ مدام ہمے محت گوں وتی تیران ایندگرانی سرا تالان کتگ انت بلئے اے تام آئی ءِ جند ءِ سرا ہچبر نہ کپتگ ات آئی ءِ تیر دگران جتگ اتن وت آئی ءَ اے درد ہچبر نہ ماراتگ ات۔

ءُُ آئی ءَ وتارا ہبچر چشیں چاڑءُُ نوبت ءَ نہ دیستگ ات جنک ءَ پدا وتی ہچ بند کت انت ءُُ واب کپت ۔ آہمودا یک پاد ءَ اوشتات ءُُ آئی ءِ چارگ ءَ لگ ات ۔ اناگت آئی ءَ مارات کہ کیف ءُُ ماڑانی دگہ جہانے ءَ انت پرچکہ نوں آئی ءِ دیم ءِ وابیں جنک ہرآئی ءِ دنیا ءِ مستریں راز ءُُ قیمتی ئیں چیز ات۔

نوں آئی زانت کہ آکس ءَ را اے رزا نہ دنت کہ کئے آئی ءَ را تاوانے بدنت یا پرچکہ نوں وت آئی ءِ سپاہ ات آئی وتی کمان ءِ تیر پداجابگ ءُُ کت ءُُ پدا اولمپس ءَ اتک ۔ وہدے آئی گوں مات ءُُ گشت کہ گوں آئی ءَ چے بوتگ گڑا آئی مات چہ زہر ءَ ترکگی بوت ءُُ آئی ءَ گشتے برو ٹیگل چہ منی دیم پدا آئی ءَ روچے ءُُ سرا عذاب ءُُ نعت ءِ دیم دات ۔

آئی آئی ءِ بالاد چپ ءُُ چاگردیک گندگ نہ بوکیں کنٹگانی پلے جت تنکہ ہچ عاشق ءُُ لوٹوک آئی ءِ کرا اتک مکنت ۔ اے شررنگیں شہ بانک ساک تہنا ءُُ پریشان بوت۔ آئی ءِ مات ءُُ پت سک حیران ءُُ پریشان ات انت کہ پرچہ کس پرآئی ءَ وتی حبر ءَ نہ بارت۔(جاری)
(Heroes,Gods and Monster,in greek myth)