وانگ،پہ وانگ ءَ درائیں جوان ءُُ شر اَنت ۔ ہرکس کہ ہرچی وانت کنت آ پرائی زانت ءُُ زانگ ءَ جوان اِنت۔انوگیں اے گرانیں نیادیں دور ءَ کہ مہلوک سرین پروش کتگءُُ لکھانی حساب ءَ ورنا بے روزگار اَنت۔ 

ہمے نیام ءَ چیزے ایس ایس ٹی ءِ پوسٹ اناوئس کنگ بوتگ اَنت بلئے اے ہم پہ چندے مردمانی واست کہ آوانی کرا بی ایڈ ءُُ ایم ایڈ ءِ ڈگری است اَنت بلئے اے مردمانی کچ ءُُ کساس حسابی اِنت ءُُ ہما مردم کہ آوانی ایم اے ءُُ ایم فل کتگ بلئے انگت ءَ بے روزگار اَنت آوانی کچ ءُُ کساس ہزارانی تہا اِنت ۔ اے گوں ہمے مردماں بلائیں زلمے کہ اے پوسٹاں جمع کرت نہ کن اَنت ۔

اگاں چہ وانگ ایشانی گیش تر اِنت بلئے بی ایڈ ءِ ڈگری اِش گون نیست اِنت ۔ چو نہ اِنت کہ بی ایڈ ءِ ڈگری بے ارزشت اِنت آئی ءِ ہم بلائیں ارزشتے است بلئے اے وہد ءَ کہ بلوچستان ءَ بے روزگاری سک برز شتگ ءُُ دانکہ انچیں نوبتے مئیت اِنت اے بے روزگاری کم نہ بیت۔سرکار ءَ را اے چیز ءِ سُد نہ اِنت کہ آ اے گپ ءَ بہ پہم ایت کہ بے روزگاری گیش اِنت ءُُ پوسٹ کم اَنت پدا ہمے پوسٹانی واست کہ ایوک ءَ بی ایڈ ءِ مردم افلائی کت کن اَنت۔

کہ گوں اے دگہ ڈگری داریں مردماں یک زلمے کہ کسے ءَ ایم فل ءُُ پی ایچ ڈی کتگ کہ وانگ ءِ گڈی ڈگری اِنت آپرے پوسٹاں افلائی کت نہ کنت ۔یک برے ڈاکٹر مالک ءِ دور ءَ این ٹی ایس ءِ پوسٹانی سرا چیزے مردم روزگار بیت آہوداں بی ایڈ ءُُ ایم ایڈ ءِ گپ نہ بوتگ اَت پمشکا بائد اِنت اے پوسٹاں ہم اے گپ کنگ مہ بیت ءُُ درائیں بے روزگاریں مردماناں اے چکاس ءَ بہر زورگ ءِ حکم دئیگ بہ بیت ۔

اگاں کسے وانیت آ سوبمند بیت ایوک ءَ بی ایڈ ءُُ ایم ایڈ ءِ ڈگری داری ءَ کس سوبمند نہ بیت ۔اے ہبدہ (17)اسکیل ءِ پوسٹ اَنت انچوکہ ڈگری کالج ءُُ یونیورسٹیانی پوسٹ بنت بلئے آہود ءَ ہچبر بی ایڈ ءُُ ایم ایڈ گپ کنگ نہ بیت آں اے ڈگری گیشیں نمبر بائد دئیگ بہ بنت بلئے اے دگہ مردمانی حق پرے پوسٹانی جمع کنگ ءَ دئیگ مہ بیت ۔ ہمے گپ ءَ را سے ءُُ چار روچ اِنت کہ سوشل میڈیا ءَ گپ ءُُ تران اِنت ءُُ حکومت ءَ را پرے گپ ءَ ایر جنگ بوہگ ءَ انت۔

کہ آ وتی ہمے گپ ءَ واپس بروز ایت ءُُ بی ایڈ ءِ گپ ءَ پرے پوسٹاں در بہ کنت ءُُ ہما درائیں مردماں کہ ایم اے ءُُ ایم فل یاکہ ایم ایس سی ءُُ پی ایچ ڈی کتگ آواناں ہم موہ دئیگ بہ بیت کہ آ اے چکاس ءَ دات بہ کن اَنت ۔ اگاں ناگڑاں بے روزگاری نہ ایوک ءَ اے حساب ءَ گیشتر بہ بیت بلکیں ہمے بے روزگاریں ورناہانی دل چہ حکومت ءَ پروشی ءُُ بے رائی ءَ رونت ۔

پمشکا حکومت ءِ بائد اِنت کہ ہما درائیں بے روزگاریں ورناہانی دلبڈی ءَ اے بی ایڈءِ شرط پرے پوسٹاں ہلاس کنگ بہ بیت ۔ اے پوسٹانی کچ ءُُ کساس ہزاران اِنت ءُُ اگاں اے بی ایڈ ءِ شرط ہلاس کنگ مہ بیت داں ایوک ءَ چندے مردم اے چکاس ءَ بہر زرت کن اَنت ۔ ابید چریشی ءَ کوئٹہ مزن شاہ دربرجاہ ءَ گوستگیں سے سال اِنت کہ بی ایڈ ءِ چکاس نہ بوتگ اَنت اے رِدا ہما درائیں مردم کہ انگت ءَ بی ایڈ ءِ چکاس ءِ ودار ءَ اَنت آ اے چکاس ءَ دات نہ کن اَنت۔

ءُُ ہما درائیں مردم کہ نوک پہ بی ایڈ ءِ ایڈمیشن ءَ دلمانگ اَنت آ اوں اے چکاس ءَ چہ زبہر بنت ءُُ ہما درائیں ایم فل ءُُ پی ایچ ڈی ءِ نودربر ہم چرے چکاس ءَ زبہر بنت کہ آہاں پی ایچ ڈی ءُُ ایم فل وَ کتگ بلئے بی ایڈ نہ کتگ ۔بی ایڈ ءِ شرط پہ اے درائیں مردماں یک زلمے کہ حکومتِ بلوچستان کنگ اِنت کہ بائد اِنت حکومت اے پوسٹانی واست ءَ ایم اے ءُُ ایم ایس سی ءِ نودربراں پہ بوتگیں اگاں کسے ءَ بی ایڈ یاکہ ایم فل ءُُ پی ایچ ڈی کتگ آوانی واست ءَ پنچ ءُُ دہ نمبر گیش کنگ بہ بیت ۔

پرچکہ اے اضافی ڈگریاں بائدیں چوشیں ڈگریاں پہ پوسٹاں شرط مہ کن اَنت ۔ پرچکہ ہرکس ءُُ ناکس اے ڈگریاں گپ نہ کنت کہ پریشاں بازیں فیسے پکار اِنت ءُُ اے بے روزگار اے فیساں دات نہ کن اَنت ۔ بائد اِنت کہ حکومت اے پوسٹانی گچین کنگ ءَ پیسر ءَ بی ایڈ ءِ شرط ءَ ہلاس بہ کن اَنت پرچکہ اے گوں بے روگاریں بلوچاں یک ز لمے کہ حکومت کنگ ءَ انت ۔