دالبندین: دالبندین آر سی ڈی شاہراہ پر تیز رفتار پک اپ الٹنے سے 14 افراد شدید زخمی۔

تفصیلات کے مطابق قومی شاہراہ پر واقع نوکنڈی کے قریب 72 لدنڈھی کے مقام پر خاران سے ہونک جانے والی تیز رفتار ٹانگو پک اپ گاڑی بے قابو ہو کر الٹ گئی جس میں 14 افراد شدید زخمی ہو گئے جن میں 8 مرد اور 6 خواتین زخمی شامل ہیں۔

واقع کی اطلاع ملتے ہی لیویز اور ایف سی کے حکام موقع پر پہنچ گئے اور تمام زخمی افراد کو ڈسٹرکٹ ہیڈ کوارٹر ہسپتال منتقل کر دیا گیا جہاں پر ڈاکٹرز اور پیرامیڈیکل اسٹاف نے زخمیوں کو ابتدائی طبی امداد فراہم کر دی جبکہ شدید زخمی افراد کو مزید علاج کے لئے کوئٹہ ریفر کر دیا گیا۔