صحبت پور:  صحبت پور مین بازار میں کریکر بم دھماکوئی نقصان نہیں ہوا سیوریج لائن متاثر لوگوں میں خوف و حراس پھیل گیا۔تفصیلات کے مطابق صحبت پور سٹی کے مین بازارمیں صبح کے وقت اشوک کمار کی کپڑے کی دوکان کے سامنے سیوریج لائن میں کریکر بم دھماکہ ہوا۔

جس کے باعث کوئی نقصان نہیں ہوا۔دھماکے سے قریبی دوکانیں سیورج کے گند سے بھر گئیں اور لوگوں میں خوف وحراس پھیل گیا۔پولیس نے موقع پر پہنچ کرعلاقے کو گھیرے میں لے کرسیل کر دیا اور بم ڈسپوزل اسکواڈ کو طلب کر لیا۔اطلاع ملنے پر ایف سی 53ونگ کے کرنل عدیل ایس پی صحبت پور محمد یوسف بھنگر۔اے سی عبدالکریم بگٹی اور ایس ایچ او عبدالحمید تھیم نے موقع پر پہنچ کرمتاثرہ جگہ کا جائزہ لیا اور بم دسپوزل اسکواڈ نے پہنچ کرسیوریج لائن سے بم کے خول کے ٹکڑے برآمد کر لیئے اور بم اسکواڈ ٹیم کے مطابق یہ ایک کریکر بم دھماکہ ہے جس میں معمولی مواد استعمال ہوا ہے جس کی بنا پر زیادہ کوئی نقصان نہیں ہوا۔

متاثرہ دوکاندار اشوک کمار نے بتایا کہ صبح دوکان کھولنے کے تھوڑے ہی وقت بعد اچانک دھماکہ ہوا اور مجھے کچھ معلوم نہیں اور نہ ہی اس سے پہلے کسی کی جانب سے کوئی دھوس دھمکی ملی ہے۔بم اسکواڈ ٹیم نے جائے موقع پر سرچنگ کر کے متاثرہ جگہ کو کلیئر کر کے کھول دیا۔صحبت پور پولیس نے مزید کاروائی کرتے ہوئے شک کی بنیاد پر متعدد افراد کو گرفتار کر کے تفتیش شروع کر دی۔