بلوچی اکیڈمی کوئٹہ بلوچانی مستریں ادارگ اِنت۔ایشی ءِ ڈلگیں کار درائیں راج ءِ دیم ءَ پدر اَنت۔ اکیڈمی ءِ کتابانی چھاپ ءُُ سرجمیں بلوچستان ءَ ایشانی پہ مپت بہر ءُُ بانگ کنگ ہم لائق ستا اِنت۔اکیڈمی ءِ درائیں کار ءُُ کتابابی چھاپ ءَ ابید ہما کہ انوگیں دور ءِ یک لوٹے ءُُ بلوچ اسکالر ءُُ پولکاراں المی ایں چیزے زانگ بیت۔

آ ریسرچ جرنل اِنت۔ بلوچی اکیڈمی ءَ اے  مارتگ کہ اکیڈمی یک سالانہ جرنلے چھاپ بہ کنت ءُُ اکیڈمی ءَ اے کار ءِ سرجمی ءَ بازیں مردم پہ ایڈیٹری ءَ نامینتاں بلئے کار ءِ دلجمی ءَ بوہگ ءَ نہ اَت۔گوستگیں سال ءِ جرنل ءِ ایڈیٹرءَ را یک مزنیں ڈبہ یے دئیگ بوتگ اَت بلئے آئی ءَ اے شرپ ءُُ قومی ڈبہ زرت نہ کت پمشکا اے ڈبہ اکیڈمی ءَ بلوچستانیات ءِ نوکیں ایڈیٹر سنگت رفیق ءَ را ذمہ دات کہ آ ایشی ءِ ذمہ وار بہ بیت۔

ءُُ سال ءَ ایشی ءَ چھاپ بہ کنت۔وہد کم اَت ءُُ جرنل سے تاک ءَ پشت اَت بلئے ایڈیٹر ءِ جہدلائق ستا اِنت کہ آئی ءَ کمو وہد ءَ وتی کار سرجم کتگ ءُُ یک ماہ یے ءِ کسانیں وہدے ءَ جرنل چھاپ کتگ ءُُ پیشداشتگ اَت۔ المءَ اے جر نل ءَ چیزے ردی ءُُ چیزے نزوری مان بلئے پہ بلوچاں اے مستاگے کہ اکیڈمی ءَ جرنل بحال کتگ ءُُ اے چیزے اے گپ ءِ پدرائی کتگ کہ کار پہ مردمانی استی ءُُ نیستی ءَ مہتل دارگ نہ بنت بلکیں کار بنت۔

اکیڈمی ءِ نوکیں ریسرچ جرنل بلوچستانیات پہ وانوکاں جریدگ اِنت ءُُ چہ دوشمبئے ءَ ہما واہگ دار کہ ریسرچ ءُُ پولکاری ءِ پڑاں بندوک اَنت آ وتی بہرءَ برت کن اَنت۔

ابید چریشی ءَ اکیڈمی ءِ سال 2019 ءَ وتی گوستگیں درائیں سالانی ریکارڈ پروشتگ ءُُ بیست ءُُ ہشت کتاب چھاپ کتگ کہ زبان ءُُ لبزانک ءِ جتا جتائیں بنگپانی باروا اَنت۔ہما درائیں وانگ ءِ واہگ داراں کہ وتی بہر نہ برتگ آ چہ دوشمبئے ءَ پد وتی کتابانی سوگات ءَ چہ اکیڈمی ءَ برت کنت۔بلوچی اکیڈمی اے گپ ءَ چہ شموشکار نہ اِنت کہ بدواہ ءُُ دژمنانی یک بلائیں لڑے ایشی ءِ پد ءُُ رندان اِنت بلئے اکیڈمی ءَ را گوں اے چیزاں گوں ہچ سرو کارے نیست اِنت۔آوتی کاراں کنت۔

باند بزاں 4.8.2019 ءَ بلوچی اکیڈمی ءِ 59جنرل باڈی ءِ مجلس جم دارگ بوہگ ءَ اِنت۔اے پہ بلوچ راج ءَ یک مزنیں سوبمندی یے کہ بلوچستان ءِ نگیگیں جاوراں ابید ہم بلوچی اکیڈمی وتی قوم ءُُ زبان ءِ کاراں گلائش اِنت۔چیزے اڈاند الم کیت بلئے منزل دورنہ اِنت پہ روئگ۔