بلوچی زبان ءِ بے مٹیں گشندہ نورخان بزنجو ءَ راہپدہ سال انت کہ ہچ ماں جتا اِنت بلئے آئی ءِ تاہیر بکشوکیں سوت ءُُ زیمل انگت ءَ انگت تازگ اَنت کہ آئی ءِ بیرانی ءِ ہچ سما نہ بیت۔نور خان بزنجوچار دسمبر نوزدہ سد شست ءُُ نوہ ءَ پسنی ماں میر غلا م سرور بزنجو ءِ گس ءَ ودی بوتگ۔آئی ءَ چہ بلوچستان ءَ یونیورسٹی ءَ ہسٹری ءَ ماسٹر کتگ ات۔آئی ءِ ہپت برات ءُُ شش گہار اَنت۔

آئی ءِ جند ئے زہگاں چہ شہیک،نور،صدف نور،ماہ جان اَنت۔نورخان بزنجو ءَ چنائی ءَ بازیں شاعرانی شعر گشتگ اَنت بلئے آئی ءِ وتی دلدوستیں شاعری مبارک قاضی بوتگ۔ درستاں گیش ہمائی ءِ شعرے گشتگ اَنت۔آئی ءِ اولی نوار ” اوست، امیت ءِ جتائی“ ات۔ اولی ریکارڈنگ ”شیرکنیں یات“۔

انت نورخان ءِ گڈی ریکارڑنگ،”آدنک“ اَت ءُُ آئی ءِ منتگیں شعرانی یکجائی ءَ بی ایم سی ءَ ’گڈی سوگات“ درکتگ اَت۔آئی ءِ دوست داریں گشندہاں چہ مرید بلیدی،نصرت فتح علی خان، عابدہ پروین ہوار اَنت۔آئی ءِ نزیک تریں ہمراہاں چہ دو مردم بوتگ اَنت عارف بلوچ ءُُ استادرسول بخش فرید بوتگ اَنت۔

نور خان ءِ گڈی دیوان مند ءَ بوتگ ءُُ بلوچی ءِ اے شاہ زانتیں پنچ اگست2003 ءَ پہ مدامی چہ وتی دوستداروکاں گستا بوتگ۔آئی ءِ گڈی وابجاہ ریک پشت ءِ قبرستان پسنی انت۔آئی ءِ بیرانی پہ بلوچ گوشداروکاں یک مزنیں تاوانے اَت۔

بلئے زند ءُُ مرگ ءَ کسی دست رس نیست اِنت۔نورخان یک بے مٹیں گشندہ یے ءَ ابید یک جوانیں شاعرے اوں است اَت آئی ءِ دو کتاب چھاپ بوتگ چمیشاں یکے بام رنگیں صدف انت کہ آئی ءِ چیزے شعر پہ درور دئیگ بوتگ اَنت وت بچار ات ءُُ بہ چکاس ات۔