نوکنڈی: نوکنڈی کے قریب لندن روڈ پر واقع تیل کے منڈی میں آگ لگنے سے تین افراد جھلس کر جان بحق ہوگئے تفصیلات کیمطابق لندن روڑ پر واقع تیل کے منڈی کے ایک کمرے میں تیل اتارا جارہا تھا کہ اچانک آگ بھڑک اٹھی۔
جس سے کمرے کی چھت گرنے اور پھنس کر تین افراد جھلس کر جان بحق ہوگئے لیویز رسالدار نبی بخش بلوچ کوجب آتشزدگی واقع کی اطلاع دی گئی تو انہوں نے تفتان رائفلز کے واٹر ٹینکرز لے جاکر شہریوں کی مدد سے آگ بجھانے میں کامیاب ہوگئے۔
لیکن کمرے میں پھنسے ڈرائیورز اور منڈی اہلکار پہلے ہی جھلس گئے تھے جان بحق افراد میں تیل منڈی کے آزاد مندازئی کا نوکنڈی سے جبکہ گاڑی ڈرائیورز گل محمد سمالانی اور میرباز سمالانی کا تعلق مضافاتی علاقہ راجے سے ہے۔