خضدار: قومی شاہراہ پر ٹریفک کے دو مختلف حادثات میں چار افراد جاں بحق دو زخمی میتیں ضابطہ کی کاروائی مکمل ہونے کے بعد ورثا کے حوالے لیویز ذرائع کے مطابق پہلا واقع قومی شاہراہ پر کراڑو کے قریب مسافر بس اور ٹرک کے درمیان تصادم
تین مسافر جاں بحق دو زخمی دوسرے واقع میں قومی شاہراہ پر سنی کے قریب زمبادپک اپ کی ٹکر سے راہگیر جاں بحق تفصیلات کے مطابق اتوار کو قومی شاہراہ پر کراڑو کے قریب مسافر بس اور ٹرک میں تصادم کے نتیجے میں تین مسافر جاں بحق دو زخمی ہوگئے جاں بحق اور زخمی ہونے والے مسافر بس کے سواری تھے۔
جن میں میر احمد ولد لعل محمد،کلیم اللہ ولد باشا خان اور عبدالواسع جاں بحق ہوگئے جبکہ نصیب اللہ اور ولی محمد پسران غلام حضرت ساکنان پشین زخمی ہوگئے مسافر بس کراچی سے کوئٹہ جا رہی تھی بس ڈرائیور گاڑی چھوڑ کر فرار ہونے میں کامیاب ہوگیا۔
دوسرے واقع میں زمباد پک اپ کی ٹکر سے راہ گیر رحیم بخش ولد علی بخش قوم سمالانی ساکن چککو شدید زخمی ہوگیا۔ جنہیں ٹیچنگ اسپتال منتقل کیا جا رہا تھا جو زخموں کی تاب نہ لاتے ہوئے دم توڑ دیا لیویز نے زمباد پک اپ قبضے میں لے کر ڈرائیور کر گرفتار کرکے تحقیقات شروع کردیا ہے۔