ہمے وڑا شہ بانک گوں آئی ءِ کودک ءَ یک بے آچار ءُُ بے چپوئیں یکدارے ءَ کنگ بوت انت۔ ایکریسیوس پدا وتی کلات ءَ اتک ءُُ وپت۔ دانائے یکدار ءِ تہا تچک نشت، شپ ءِ کوش آئی ءَ سک وش بوت آئی ءِ دیم ءَ لگ ات کوش آئی ءِ زلف زرتگ ات ءُُ آئی ءِ کوپگاں چنڈاتگ ات انت۔ آئی چک ہم گل ات ءُُ کندان ات آئی ءَ وتی نازرکیں دست پد ماں پد ءَ چول ءَ برت انت۔

آ درائیں شپ ءَ چولانی میار بوت انت دومی روچ ءَ ءُُ دومی شپ ءَ ہمے میان ءَ کسانیں ہورے بوت کہ آ ہاں پہ ورگ ءَ وپ دست کپت۔ بٹے ءَ آہانی یکدار ءَ تہا ماہیگے دور دات کہ ہر آئی ءَ وردنے بوت۔ دومی سہب ءَ دانائے ءَ دیست کہ جزیرے ءَ اوشتاتگ انت۔ ماہیگریں یکدار تیاب ءَ لنگر ات انت ءُُ ماہیگروتی داماں جنگ ءَ ات انت۔ آئی ءَ گوانک جت یک کسانیں یکدارے آہانی نیمگ ءَ رہادگ بوت۔

یکدارے ناحدا ایشی ءَ چاریں شنگے ات کہ نامے ٹکئیزاے آئی آزرت ءُُ تیاب ءَ آورت انت۔آچہ جنک شررنگی ءُُ زیبائی ءَ آئی چک ءِ شیتانیاں سک ابکہ ءُُ حیران بوت کہ گونڈو ءَ آئی ریش ترندی ءَ گپت ءُُ تاب دات انت وہدے آئی ءَ بڈ ءَ کت۔ ڈکیز ما ءُُ چک جزیرہ شیہروز ءِ بادشاہ پولی ڈکس ءِ کر برت انت۔ پولی ڈخس وہدے جنک دیست گڈا آ ئی ءِ شررنگی ءُُ زیبائی ءَ حیران ءُُ اجکہ بوت۔
آئی ءَ جنک وتی چک کت گشت کہ آ اے جزیرہ ءِ مہمان انت۔آئی ءَ پہ نندگ ءُُ لوگے ءُُ آئی ءِ حدمت ءَ پہ مولدے دات۔ ءُُ ڈکیز ءَ اے ماہ ءِ مستریں بکشش بکش ات کہ آئی ءَ چہ زر ءَ گران بہائیں چیزے کش اتگ۔