خضدار: خضدار کے تحصیل نال میں نامعلوم مسلح افراد کی گھرمیں گھس کر فائرنگ،خاتون سمیت3افراد جاں بحق۔نال لیویز ذرائع کے مطابق اتوارکے روز خضدار کے تحصیل نال کے علاقہ گروک ختی چک کے مقام پرنامعلوم مسلح افراد نے گھرمیں گھس کر فائرنگ کردی۔
جس کے نتیجے میں خاتون سمیت 3افراد محبوب علی،دریاخان اور ایک خاتون بحق ہوگئی، جن میں سے دو افراد میاں بیوی تھے۔مقتولین کو نال ہسپتال منتقل کیا گیا نعشوں کو ضروری کارروائی کے بعد ورثا کے حوالے کردیا گیا۔
ڈپٹی کمشنر خضدار ریٹائرڈ میجر محمد الیاس کبزئی کی ہدایت پر نال لیویز نے ملزمان کی گرفتاری کے لئے ٹیمیں تشکیل دے کر علاقے کی ناکہ بندی و ملزمان کی تلاش شروع کردی گئی ہے نال لیویز کے مطابق واقع پرانی دشمنی کا شاخسانہ ہے واقع سے متعلق مزید تحقیقات کی جارہی ہیں۔