نیولبرلزم ءَ مئے ڈموکریسی ءَ تباہ کنگ ءَ اِنت سیریں مردماں سیاسی دائرہ ءِ دوئیں نیمگ ءَ چہ مئے چاگردی، سیاسی ءُُ چپ ءُُ چاگرد ءِ مہلوک چون نزور کتگ۔پنجاہ سال بیت کہ نوم چومسکی امریکہ ءِ سقراط زانگ بیت ءُُ مئے مہلوک ءِ پریشانی گوں وتی جُستاں کہ دیم ءَ کاریت اِش۔آ ایوک ءَ ایتھنز ءِ شہر ءِ چپ ءُُ چاگرد ءَ گپ نہ کنت بلکیں سرجمیں دگنیا ءِ دیم ءَ وتی دردناکیں گپاں دیم ءَ کاریت ءُُ نوں آئی گپ ھترناک زانگ بنت۔
جیڑہ چہ پیڑتاگیں دگنیا مرچی انگتہ نوم چومسکی ءِ دروازگ ءَ ٹُکیت،ایوک ءَ ھمئے واست ءَ کہ آئی تچک ءَ تچک گُشتگ کہ یک بلاہیں طوفان ءِ پیداک اِنت۔ناکہ دُگنیا کمو زانت کنت کہ نوم چومسکی ءِ ھمئے طوفان ءِ داتگیں بیہار ءِ باروا چئے بکناں۔جذباتیں ٹی وی اینکر William F.Buckley Jr ءَ گیر بیار کہ آئی ءَ نوم چومسکی ءِ زھرآوریں لیکہ ویتنام جنگ ءِ باروا 1969 ءَ گُلدار ءِ دروشم ءَ دیم ءَ آؤرت۔
اے نوم چومسکی ءِ باروا یک اجبیں لیکہ ئے: دا نیورک ٹائمز آئی ءَ را نامداریں زندگیں ساچشتکار گُشیتءُُ آئی لیکہاں ھروھدا دیم ءَ کاریت۔او نوم چومسکی سرجمیں دگنیا ءَ وتی لیکہانی سوب ءَ باز نامدار اِنتءُُ اے وھدا آئی عمر 89سال اِنت۔آھما سائنسدان اِنت کہ آئی ءَ مارا بنی آدم ءِ زبان ءِ سرا جیڑگ سوج دات چشکہ ھمئے جیڑہ ءَ پورا مئے اندر روتک جتگ۔آ ھما انسان دوست اِنت کہ آئی ءَ اخلاقی راہ ءُُ بندانی ھساب ءَ ویتنام ءِ جنگ ھلاپ ءَ ءُُ امریکہ ءِ ایدگہ آؤکیں وھد ءِ حکمت عملی آنی سرا زھرشانی کُت۔
گوستگیں ھپتگ ءَ ما گوں وتی تچکیں مول ءُُ مراد ءَ نوم چومسکی ءِ گِندوک ءَ شُت ایں: ما وتی انوگیں راجدپتر ءِ باروا زانگ لوٹ اِت چہ ھما مرد ءَ کہ راستی چیدگ ءِ نام ءَ زانگ بیت۔ما آئی ءَ را نبشتہ کُت کہ ما اَچ ترا اے زانگ نہ لوٹ ایں کہ تو چئے جیڑہ ءِ بلئے چون جیڑہ ئے۔آئی ءَ مارا پسو ءِ تہا نبشتہ کُت کہ زھمت کشی ءُُ پچیں زھن جیڑہ ءِ بُن ھشت اَنت۔
کرسٹوفر لیڈون: مئے واجہ اَچ تو جُست ایش انت کہ انوں اے وھدا ما دُگنیا ءِ کجا م جاہ ایں۔۔۔
نوم چومسکی: اے وا اَرزان اِنت۔
ک۔ل:]ھاھاھا[۔۔۔وھدیکہ بازیں مردمے راجدپتر ءِ مزنیں ھستی زانگ بوتگ انت گڈا چومسکی ءِ کمیں لبزانی تہا لیکہ چئے بوت کنت۔
ن۔چ: کمیں لبزانی تہا؟
ک۔ل: ھؤ۔
ن۔چ: شر،کمیں لبزانی تہا منی ھیال ءَ دگنیا ء دومی مزنیں جنگ چہ بگر داں انوگیں راجدپتر ءِ سرا چمشانکے اگاں شما بدائیت گڈا لہتیں نہ شموشکاریں ویل ءُُ واقعہ بوتگ اَنت۔اولی، بنی آدم ءِ ذہانت ءَ دو مزنیں سنگپروشیں ھتوڈی ساچ اِت کہ آھانی تہا مئے ھستی ءِ ولگوج کنگ ءِ تاگت است اِنت۔۔۔یاکہ کم ازکم مئے ٹہنتگیں ھستی ءِ۔۔۔دوئیں چہ دومی مزن جہانی جنگ ءَ۔یکے آھانی تہا پہک ءَ زانگ بیت۔
بلئے راستی ءَ نوں دوئیں پہک ءَ پدر اَنت۔دومی مزن جہانی جنگ ایٹم بمب ءِ کارمرز کنگ ءَ گوں سرجم بوت۔ منا شر یات انت کہ اے 6اگست 1945ءِ روچ اَت۔ اے پدریں راستی ئے کہ زوت ٹیکنالوجی ھمنچو دیمروی کنت کہ تباہی ءِ گڈی چیدگ زانگ بیت۔ باور کن سائنسدان آں اے پیش ءَ پہمتگ۔
1947 ءَ ھمئے Bulletin of Atomic Scientists ءَ وتی نامداریں قیامت ءِ روچ ءِ گھڑی ءِ دیمدرائی کُت۔تو زان ئے کہ گھڑی ءِ منٹ والا کانٹہ سرشپ ءِ چنچو نزیک اَت؟او اے سرشپ ءَ ھپت منٹ کم ءَ بندات بوت۔1953ءَ اے سرشپ ءَ دو منٹ کم ءِ نزیک ءَ داں شُتگ اَت۔آھما سال اَت کہ وھدیکہ امریکہ ءُُ سویت یونین ءَ ہائیڈروجن بمب ءِ تراک کُتگ اَت۔
بلئے اے پدر ءُُ سہرا بیت ما نوں پہم اِت کناں کہ دومی مزنیں جہانی جنگ ءِ گڈسرا دُگنیا ماں نوکیں زمینی دور یے ءِ تہا وتی پاد ایر کتگے اِت اَنت۔اے دور Anthropoceneگُشگ بیت کہ ایشی بزانت اِنت بنی آدم ءِ نوکیں دور،ھما دور کہ بنی آدم ءَ را ماحول ءِ سرا سکیں تباہ کنوکیں ءُُ تُرسناکیں اثرات دور دات کنت۔اے 2015ءَ واتر دیم ءَ سُراِت، 2016یک گشتانے پدا۔ ھمئے سال ءَ جنوری ءِ گڈسرا ٹرمپ ءِ گیچین کاری ءَ چہ پد،گھڑی سرشپ ءَ دومنٹ ءُُ نیم کم ءَ دیم ءَ کنگ بوت، 1953ءِ نزیک ترا کہ ھما وھدا کنگ بوتگ اَت۔
ھمئے ھاترا ما ھمئے دوئیں ھستی ءِ بیہار ساچ اِتگ انت۔۔۔کہ آ مارا بوت کنت ایٹمی جنگ ءِ دروشم ءَ نیست ءُُ نابود بہ کنت؛ماحولی تباہی ءِ دروشم ءَ تباہ کنوکیں اثرے دور بدنت۔۔۔او گڈا دگہ لہتیں مئے پیمیں۔(برجاہ)