خضدار : کوئٹہ کراچی قومی شاہراہ پر ٹریفک حادثات کا تسلسل جاری،تحصیل وٖڈھ کے علاقہ وہیر کے مقام پر ٹرالر کی ٹکر سے دو موٹر سائیکل سوار افراد جاں بحق جبکہ ایک زخمی ہو گیا۔
لیویز کے مطابق ہفتے کے روز کوئٹہ کراچی قومی شاہراہ پر وہیر کے مقام پر ٹرالر کی ٹکر سے موٹر سائیکل پر سوار تین افراد شدید زخمی ہو گئے زخمیوں کو لیویز نے مقامی ہسپتال پہنچایا جہاں ثناء اللہ اوراستاد محمد نور زخموں کی تاب نہ لاتے ہوئے چل بسے جبکہ زخمی علی احسن کو سول ہسپتال وڈھ میں ابتدائی طبی امداد پہنچانے کے بعد مزید اعلاج کے لئے خضدار ریفر کر دیا گیا۔
واضح رہے کہ کوئٹہ کراچی قومی شاہراہ پر سکندر آباد سے لیکر بیلہ تک موٹروے پولیس تعینات نہیں جس کی وجہ سے اس سکشن میں ٹریفک حادثات تسلسل کے ساتھ ہو رہے ہیں عوامی حلقوں نے مطالبہ کیا ہے کہ سکندر آباد خضدار بیلہ سیکشن پر موٹروے پولیس کی تعیناتی کو ممکن بنایا جائے۔