سیمی ویل ءُُ واقعہ کہ بوت۔ہپتاد ءِ دہک ءَ پہ اے پیمیں تباہی ءِ ہتم کنگ ءِ ءُُ آہانی نزور کنگ ءِ واست ءَ بنی آدم ءِ ذہانت ءَ وتی جند ندر کت۔اے نیولبرلزم گُشگ بیت۔پنجاہ ءُُ شست ءِ دہک ءَ بدلی ءِ دور ے بندات بوتگ اَت کہ آئی ءَ رامہلوک ءَ Regimented Capitalismگُشت،اے دیمروی ءِ شریں اہدے اَت،برابری ءِ دیمروی، چاگردی انصاف ءِ پڑءَ مزنیں دیمروی بوتگ اَت ءُُ ہمئے پیم ءَ ایدگہ پڑاں۔۔۔
ک۔ل: چاگردی ڈموکریسی۔۔۔
ن۔چ:ہؤ،چاگردی ڈموکریسی۔آ برے برے نوکیں کپیٹلزم ءِ درپشناکیں دور گُشگ بیت۔آ ہپتاد ءِ دہک ءَ گوں نیولبرلزم ءِ بندات ءِ ہمراہی ءَ بدل بوت کہ ہمائی تہا ماہمائیں زند گوازینگ ءَ بوتگیں۔او اگاں شما وتی جند ءَ جُست بکن اِت کہ اے دور چئے پیم اِنت،ایشی بُنکی لیکہ چاگردی تپاکی ءُُ وت ماوتی کمک ءُُ مدت ءُُ کُلیں مردمانی بہرزورگ ءِ ٹہشتءَ ماں پالیسی ءِ جوڈ کنگ ءَ تباہ کنگ ءَ اِنت۔
اے آ وڈ گشگ نہ بیت۔
اے آجوئی گُشگ بیت بلئے آجوئی بزانت اِنت تاگت وریں، لاجوابیں،چیریں تاگت آنی فیصلہ ءِ دیم ءَ سرا جہل کنگ ءُُ مننگ۔آئی چئے کہ بزانت اِنت ہمیش اِنت۔حکومت کنگ ءِ ادارہ۔۔۔یاکہ دومی رنگیں ادارہ آنی ہوری کہ آ مہلوک ءَ اجازت دات کن انت کہ فیصلہ کنگ ءِ تہا بہر بزور انت۔۔۔آہاناں پہ وڈءُُ پیم نزور کنگ بوتگ۔مارگیریٹ تہیچر وتی گُشتن ءِ تہا شریں وڈے ءَ ایشی باروا گُشتگ اَت “چاگرد نیست،ایوک ءَ فرد اَنت۔”
” دومی مزنیں جہانی جنگ ءَ بگرداں اے وہدءَ ما تباہی ءِ دو وڈءُُ پیم ساچ اِتگ۔نیولبرل ءِ زمانگ ءَ بگر داں اے وہد ءَ ما آہانی گرءُُ دار کنگ ءِ وڈءُُ پیم پُروش ءِ آماچ کُتگ اَنت۔”
آئی ءَ راستی ءَ مارکس ءِ گپ پریہتگ اَت کہ آئی ءَ فرانس ءِ تہا زوراکی آنی سراوتی ایرجننگ تہا گُشت،مئے زوراکی چاگرد ءَ یک گونی یے پٹاٹہ ءِ تہا بدل کنگ ءَ انت،بس مردمانی،یک شنگ ءُُ شانگیں مُچی کہ ہوری ءَ کار کُت نہ کناں۔” آیک ایرجننگے ءَ اَت۔تہیچر ءِ واست ءَ آ یک سرجمیں لیکہ ئے۔۔۔او آ نیولبرلزم اِنت۔

ما حکومتی ٹہشت ءَ تباہ کنیں یاکہ کم ازکم آئی نزور کنیں کہ اَچ ایشی ءَ کم ازکم مہلوک ہما چاگرد ءِ نمائندگی ءَ ہدّے داں بہرزورت کُت کناں۔ہمئے ہاترا آہاں نزور بہ کن،یونین آں تباہ بہ کن،آدگہ رنگیں یکجائیں ادارگاں،گونی یے پٹاٹہ چگل بدےءُُ مئے ساہت ءَ فیصلہ آنی کنگ ءِ تاگت ءَ لاجوابیں ءُُ چیریں تاگت آنی دست ءَ بدے کہ آجوئی بس سرجمی ءَ لبزانی تہاسرکیت۔

شر،آ چئے کنت؟تباہی ءِ نشانے یک اڈاندے دزگٹیں مہلوک اِنت، یک سرپدیں،دزگٹیں مہلوک ہوری کارءَ اِنت پہ وڈءُُ پیم ٹہینگ ءَ کہ تباہی ءِ دیم ءَ داشت بکنت ءُُ آئی ءَ پروش دات بکنت۔آ پہ وڈ ءُُ پیم نزورکنگ بوتگ اَت بزانکہ پہ سرپدی۔منی متلب ایش انت کہ گوستگیں وہد ءَ 1970ءِ زمانگ ءَ ما ایشی باروا ہمئے پیم ءَ گپ کتگ اَت۔گیشیں ڈموکریسی ءِ تُرس ءِ باروا سیریں ءُُ بُرزتریں تبکہ تہا سک باز گپ ءُُ تران بوئگ ءَ اَتءُُ ہمئے زلورت پشت کپتگ اَت کہ ڈموکریسی ءِ تہا گیش کمی آرگ بہ بیت پہ مہلوک ءَ کہ بہرزورگ ءَ گیش زبہر بہ بنت ءُُ گیش بے مارشت بہ بنت ءُُ جیڑہ آنی تہا گیش اڈاند دور مہ دینت،ءُُ آ ہمیش اِنت ہمئے نیولبرل رہشونی کنت۔

ہمئے ہاترا اے دُرساں یکجاہ ایربکن ءُُ ترا چئے رسیت؟ یک سرجمیں طوفان ئے۔
ک۔ل: چئے کہ مہلوک ہیال کنت ءُُ چاریت آ کُلانی سرحال ہمئے جیڑہ انت چُشکہ بریکزٹ(Brexit)ءُُ ڈونالڈ ٹرمپ ءُُ ہندو قوم پرستی انت۔(برجاہ)