حب: بلوچستان کے علاقے حب میں مسافر کوچ الٹنے سے 11افراد زخمی ہوگئیں تفصیلات کے مطابق حب کے علاقے آر سی ڈی روڈ کے قریب مسافر کوچ تیز رفتاری کے باعث الٹ گئی جس کے نتیجے میں 11افراد زخمی ہوگئیں۔

جنہیں فوری طور پرہسپتال منتقل کردیا گیا مزید کارروائی کی جارہی ہے جبکہ مسلم باغ کے قریب اسلام آباد سے کوئٹہ آنے والی کوچ ٹائر برسٹ ہونے کی وجہ سے ڈرائیور عبدالصمد شدیدزخمی ہوگئے جنہیں فوری طور پر ہسپتال منتقل کردیا گیادریں اثناء بلوچستان کے ضلع قلعہ سیف اللہ میں مسافر کوچ الٹنے سے خواتین سمیت14مسافر زخمی ہوگئے ہیں جنہیں طبی امداد کیلئے سول ہسپتال کوئٹہ منتقل کردیاگیاہے۔

اطلاعات کے مطابق گزشتہ روز قلعہ سیف اللہ کے علاقے مقامی کمپنی کاکوچ الٹنے سے خواتین بی بی شہناز،بی بی طاہرہ،عبدالصمد،حفیظ اللہ،دولت خان،احتشام،عمیر حسین،مزمل،حسنین،عامر،منور،عبدالمالک،فیصل بٹ اور بلاول زخمی ہوگئے زخمیوں میں سے 6زخمیوں کو شدیدچوٹیں آئی ہیں دیگر زخمی ہونے والوں کی حالت تسلی بخش بتائی جارہی ہے۔زخمیوں کو گزشتہ روز ٹراماسینٹر سول ہسپتال کوئٹہ منتقل کردیاگیاہے جہاں انہیں طبی امداد دی جارہی ہے۔