پنجگور :  پنجگور کیڈٹ کالج کے زیراہتمام سالانہ یوم والدین کا شاندار تقریب کالج پریڈ وینیو کے میدان میں منعقد ہوا۔ اس موقع پر آئی جی ایف سی ساوتھ میجر جنرل سعید احمد ناگرا مہمان خصوصی تھے۔

تقریب میں کمانڈنٹ پنجگور رائفل کرنل آطف بشیر۔۔ ڈپٹی کمشنر شفقت شاہوانی۔ممتاز عالم دین مولانا عبید اللہ مدنی۔سابق صوبائی وزیر رحمت صالح بلوچ۔ حاجی زاہد حسین۔حافظ محمد اعظم بلوچ۔کپٹن ر محمد حنیف بلوچ۔مولانا شیخ عبدالغفار۔مولانا علی احمد۔ طلباء کے والدین۔ سمیت دیگر سیاسی وسماجی رہنما اور عمائدین شہر۔تمام محکموں کے ضلعی سربراہان۔اور تعلیمی اداروں کے سربراہان شریک تھے۔ تقریب کا آغاز تلاوت کلام پاک سے ہوا۔اس کے بعد پریڈ مارچ۔ڈریل کمپیٹیشن۔اور ٹائیل بریک ڈاون ہوا۔

جس میں کیڑٹ کالج کے طلباء نے شاندار کارکردگی کا مظاہرہ کیا۔ پرنسپل کیڈٹ کالج کرنل طاہر فاروق ڈوگر نے کالج کی سالانہ کارکردگی اور تعلیمی نظام سے متعلق بریفنگ دی۔ تقریب کے مہمان خصوصی آئی جی ایف سی ساوتھ میجر جنرل سعید احمد ناگرا نے خطاب کرتے ہوئے کہا کہ کیڈٹ کالج پنجگور نے مختصر عرصے میں جس طرح ترقی کی وہ قابل ستائش ہے۔کالج کے طلباء کی تعلیمی قابلیت اور دیگر شعبوں میں کارکردگی قابل دید ہے۔

اس کا سہرا کالج ہذا کے پرنسپل اور ان کی ٹیم کو جاتا ہے۔انہوں نے کہا ہمارے معاشرے میں ایک ایسا طبقہ موجود ہے جوکہ ملک میں تعلیم اور ترقی کے سفر کو سبوتاڑ کرنے کی ناکام کوشش کر رہا ہے۔ اور تعلیمی اداروں پر حملہ آور اور ترقیاتی منصوبوں کے سامنے رکاوٹ بننے کی کوشش کررہے ہیں۔ لیکن ان کو مکمل طور پر ناکامی کا سامنا ہے۔ ایسے ملک دشمن عناصر کا قلع قمع کریں گے۔ یہ وہی لوگ ہیں جوبظاہر اپنے آپ کو قوم پرست پیش کرکے بیرونی ایجنڈے پر کام کر رہے ہیں۔

عوام ایسے ملک دشمن قوتوں کو پہچان کر ان کی حوصلہ شکنی کریں۔ انہوں نے کہا طلباء اس ملک اور قوم کا روشن مستقبل ہیں۔ہماری تاریخی روایات سے سبق سیکھ کر اپنی منزل کا تعین کریں۔ہماری منزل پڑھا لکھا اور خوشحال پاکستان ہے۔اور انشاء اللہ پاکستان کا مستقبل شاندار اور روشن ہے۔طلبا ء اعلی تعلیم کو اپنی زندگی کا مقصد بنائیں۔ تقریب میں کالج کے مائے ناز طالب علم سدیس رفیق۔اور احسان اللہ نے انگلش اور اردو میں بہترین تقریر پیش کی۔

آخر میں آئی جی ایف سی ساوتھ میجر جنرل سعید احمد ناگرا۔ڈپٹی کمشنر شفقت شاہوانی۔ سابق صوبائی وزیر میر رحمت صالح بلوچ۔حافظ محمد اعظم بلوچ۔ حاجی زاہد حسین۔کپٹن ر محمد حنیف بلوچ۔سابق پرنسیپل کیڈٹ کالج پنجگور حاجی ظہیر احمد اور دیگر نے طلباء میں انعامات تقسیم کئے۔