نوکنڈی : بوائز مڈل اسکول شیرآبادنوکنڈی میں نامعلوم موٹر سائیکل سوار کی جانب سے اسکول کے تالوں میں ایلفی ڈالنے کا سلسلہ جاری اسکول اساتذہ اپنے جیبوں سے تالے خریدنے پرمجبور۔

تفصیلات کے مطابق بوائز مڈل اسکول شیرآباد میں نامعلوم شرپسند افراد اسکول کے تالوں میں ایلفی ڈالتے ہیں تاکہ اسکول کا تعلیمی سلسلہ متاثر ہوسکیں کیونکہ مذکورہ اسکول میں کوئی چوکیدار سرکاری طور پر تعینات نہیں اسکول کے اساتذہ مجبوراً ہفتے میں ایک مرتبہ اپنے جیبوں سے تالے خریدنے ہیں۔

اساتذہ نے کہا نامعلوم شرپسند افراد ہفتے میں ایک مرتبہ اسکول کے تالوں میں ایلفی ڈالتے ہیں اور ہم مجبوراً تالے توڑ کر اپنے پیسوں سے نئے تالے خریدتے ہیں انہوں نے کہا اس بابت آس پاس کے رہائشی لوگوں کی بھی ذمہ داری بنتی ہیں کہ وہ ایسے تعلیم دشمن عناصر کی نگرانی کریں اور ساتھ ساتھ انتظامیہ کو بھی چاہیے کہ وہ دن میں ایک مرتبہ نوکنڈی کے ان اسکولوں کی بھی طرف گشت کا سلسلہ شروع کریں جہاں کوئی چوکیدار تعینات نہیں ہے۔