خضدار: قومی شاہراہ پرٹرالر کی موٹر سائیکل کو ٹکر باپ بیٹا جاں بحق، جب کہ کوچ اور کار میں تصادم سے تین افراد زخمی۔
لیویز کے مطابق پیر کے روز کوئٹہ کراچی قومی شاہراہ پردراکھالہ وڈھ کے مقام پر کوئٹہ سے کراچی جانیوالی ٹرالر نے موٹر سائیکل کو ٹکر ماردی جس کے نتیجے میں موٹر سائیکل سوار سائیں داد اور اس کا بیٹا بشیر احمد شدید زخمی ہو گئے زخمیوں کو وڈھ اسپتال منتقل کیا گیا جہاں طبی امداد کے دوران باپ و بیٹا زخموں کی تاب نہ لاتے ہوئے چل بسے۔
نعشوں کو ضروری کارروائی کے بعد ورثاء کے حوالے کرکے ٹرالر ڈرائیور حیات اللہ ساکن پشین کو گرفتار کرکے واقع سے متعلق تفتیش شروع کردی۔دوسرے واقعہ میں کوچ اور کار میں تصادم سے تین افراد زخمی ہوگئے۔