حب: مین آر سی ڈی شاہراہ ڈی جی خان سیمنٹ فیکٹری کے قریب دو گاڑیوں میں تصادم پانچ افراد زخمی دو کی حالت تشویشناک بتائی جاتی ہے۔
حادثہ ٹوٹے ہوئے روڈ کی وجہ سے پیش آیا عینی شاہدین تفصیلات کے مطابق پیر کے روز مکران سے کراچی جانے والی ویگو اور کراچی سے بریدہ کمیپ جانے والی آرمی کیمپ کی گاڑی میں ڈی جی خان سیمنٹ فیکٹری کے قریب تصادم ہوا جس کے نتیجے میں پانچ افراد شدید زخمی ہوئے جن میں دو کی حالت تشویشناک بتائی جاتی ہے۔
گڈانی پولیس کے مطابق مکران سے کراچی آنے والی ویگو گاڑی میں سوار محمد اشرف ولد محمد عثمان شدید زخمی ہوئے جبکہ آرمی گاڑی میں سوار چار افراد میں سے ایک کی حالت تشویشناک بتائی جاتی ہے جن کو فوری طور پر طبی امداد کے لئے کراچی روانہ کردیا گیا۔
عینی شاہدین کے مطابق حادثہ باگڑ چوکی کے قریب پیش آیا ان کے مطابق مین شاہراہ پر بارشوں کی وجہ سے ہونے والے گھڑے کی وجہ سے پیش آیا یاد رہے کہ بارشوں کے بعد روڈ کی مرمت نہ ہونے کی وجہ سے ایسے حادثات رونما ہورہے ہیں اس قبل چند فرلانگ پر شاہراہ پر گھڑے کی وجہ سے کوچیں آپس میں ٹکرا گئی تھی جس میں کئی افراد زندہ جل گئے تھے۔