پسنی دریا وردانی یک کوہنیں بندنے ء ْ چہ کدیم ء َ دریا وردادا نشتگ انت۔ کْلانی کارءْ روزگار گوں نیل بومیں زر ءَ ہمگرنچ انت۔پسنی ء ِ شہرءََ? چہ کساس پنچ کلومیٹر دور جڈی ء ِ تیاب انت۔ جڈیء ِ کوہ دامن ءَ انت۔ اے تیابَ ءِ راہ ہمے واستہ جڈی گوش انت کہ جڈی ہمے کوہ ء ِ نام انت۔ پسنی ء ِ لس مہلوک ء ِ واستہ َ پہ سیل ء ْ سواد ء جڈی ء ِ تیاب چہ جنت ء َ ہچ کم نہ انت۔ جڈی ء ِ تیاب ء ِ یک انچے ہم ابرمی ندارگے کہ ادا آؤکیں مردم زند ء ِ سرجمیں اڈ ء ْجنجالاں ء َ بے حال کنت۔

پسنی ء َ چہ ابید کش ء ْ گورے شہر ء ْ کوچگانی مردم اگاں پسنی کاینت گڈا الم آ یک برے جڈی ء ِ سیل ء َ کن انت پرچہ کہ ادا موسم ہر وہدءَ وش ءُُ زیبا انت۔ انچو گوش انت کہ جڈی ء ِ تیاب ء ِ ندارگ مہلوک ءَ را وتی نیمگ ء َ کارایت۔ گیش ائیدانی وشیں روچ ء َ جڈی تیاب ء َ پسنی ءِ ادا ہلک ء ْدمگ ء َ چہ بازیں مہلوکے پہ سیل ء ْ سواد رونت۔ جڈی انچیں جاہ یے کہ ادا پہ سیل ء سواد ء پسنی ء َ چہ ابید نزیک ءُُ گورءَ دگہ ہلک ء ْمیتگاں چہ مردم کاینت۔ بلے جڈی تیاب یک ہنچے تیابے کہ ادا دریائی ء ِ مہلوک باز انت۔

ادا سیل ء ْ سواد آؤکیں مردم کارمرز کتگیں چیزاں ہمے تیاب ءَ دوردیئنت۔ اے پہ دریائی مہلوکانی واستہ تاوان انت۔ ہمے سوب ء َ چہ جڈی ء ِ زیبائیں تیاب مرچاں انچو گند انت کہ پورا کچرا دانے جوڈ بوتگ۔ جڈی ء ِ کوہ لمب ءَ واجہ خضر حیات زندہ پیرءِ ٹھکانہ ہم است انت کہ مردم چہ دور ءَ ادا کا ی نت زیارت ءُُ کن انتء ْ وتی دل ء ِمرادنی پیلو کنگءِ واستہ دعا لوٹ انت۔ پسنی ء ِ لس مہلوک ہمے گو ژ ایت کہ مئے واستہ سیل ء ْسواد ہمے جڈی ء ِ تیاب انت کہ ما ادا کائیں دگنیاء ِ درستیں اڈ ء جنجالاں بے حال کنیں۔۔ جڈی چو مکْران ء ِ دگہ تیابی دمگانی وڑا یک جوانیں سیل ء ْ سواد ء ِجاہ یے۔