نوشکی : احمدوال کے قریب ٹریفک حادثے میں سابق پی آر او پی ٹی سی ایل محبوب علی رودینی جاں بحق جبکہ انکے دو ساتھی حفیظ اللہ اور نظر محمد زخمی ہوگئے۔
،تفصیلات کے مطابق گزشتہ روزاحمد وال کے علاقے میں محبو ب علی اپنے دو ساتھیوں سمیت سڑک عبور کررہے تھے کہ ایک تیز رفتار کار نے انہیں ٹکر مار کر کچل دیا جس کے نتیجے میں محبو ب علی رودینی موقع پر ہی جاں بحق ہوگئے جبکہ انکے دو ساتھی حفیظ اللہ اور نظر محمد زخمی ہوئے۔زخمیوں کو سول ہسپتال نوشکی پہنچا دیا گیا۔
جاں بحق محبوب علی رودینی ولد میر محمد امین رودینی کی لاش ضروری کاروائی کے بعد ورثاء کے حوالے کر دی گئی، ٹو ڈی ڈرائیور حفیظ اللہ ولد شاہ محمد کو نوشکی پولیس نے گرفتار کرلیا۔واضح رہے کہ محبوب علی رودینی پی تی سی ایل کے سابق پی آر او رہ چکے ہیں اور وہ بلوچستان یونیورسٹی کے پروفیسر یوسف رودینی کے بھائی تھے۔