نوشکی: نوشکی سے تعلق رکھنے والا گلور شعیب فرہاد ساتھیوں اور کرائے کے ٹیکسی سمیت سوراب زہری کے علاقے سے گذشتہ 4 دن سے لاپتہ ہے۔ 17 فروری کو نوشکی سے سوراب کی طرف جانے والا گلو کار شعیب فرہاد اپنے دو ساتھیوں اور ٹیکسی ڈرائیور کے ساتھ سوراب سے آگے زہری کے علاقے سے لاپتہ ہو گئے ہیں۔

جس میں شعیب فرہاد کے ساتھ گلوکار جاوید ایک ساتھی نعیم بڑیچ اور بکنگ پر جانے والا ٹو ڈی کار نمبر APL467 ٹیکسی ڈرائیور شبیر احمد بادینی بھی شامل ہے ٹیکسی ڈرائیور شبیر احمد بادینی کے خاندانی زرائع کے مطابق 17 فروری کو نماز مغرب کے وقت انکا آخری رابطہ سوراب کے علاقے سے ہوا تھا اسکے بعد آج 4 دن سے مذکورہ گلوکار ساتھیوں اور ٹیکسی ڈرائیور اور گاڑی غائب ہے گلو کار فرہاد اور اسکے ساتھی خضدار میں کسی شادی کے تقریب میں شرکت کر نے جارہے تھے۔

جہاں انکو اپنی فن کا مظاہرہ کرنا تھا لاپتہ ہونے والے گلوکار و دیگر افراد کے خاندان نے وزیر اعلی بلوچستان جام کمال خان عالیانی، کمانڈرسدرن کمانڈ بلوچستان، کمشنر قلات ڈویژن، ڈی سی نوشکی، کمانڈنٹ نوشکی و دیگر سیکورٹی اداروں کے سربراہاں سے لاپتہ افراد کو بازیاب کرانے کی اپیل کی ہے۔