پہ بلوچ، بلوچی ءُُ بلوچستان ءِ دود ءُُ ربیدگءُُ زبان ءَ ہرکس وتی وس ءُُ واک ءَ وتی وتی پڈا جہد کنگان انت۔ راجانی مستریں پجار آئی زبان انت۔ چونکہ اے ملک ءِ تہا بلوچ ہم مزنیں کساسے ءَ آباد انت بلئے بژن ءِ گپ اش انت کہ اے ملک ءِ تہا بلوچ ءَ را داں روچے مرچی ہچبر سرکاری سرپرستی گون نہ بوتگ بلئے ابید سرکاری سرپرستی ءَ بلوچ ہر پسگ ءَ وتی متابک ءَ بلوچ ءِ ہذمت کنگے باز جہد کتگ ءُُ کنگان انت۔

اے بلوچ زبان دوست ءُُ دوزوانی منت انت کہ بلوچ زبان ءُُ لبزانک میزان میزان دیما ءَ جنزان انت۔ بلئے ادا مئے گلگ گوں سرکار ءَ کم وتی بلوچ ءَ امیت گیش بنت کہ بائد یں کہ ما گیش ءَ چہ گیش پہ بلوچی زبان ءُُ لبزانک ءِ کاراں دیما بہ کناں چیا کہ اے وہدی دنیا ءِ تیزیں گاماں گون ہمگام بوہگ ءِ واستہ مارا انگت مزنیں پندے برگی انت۔

اے سفر ءَ مارا وتی لبزانک ءُُ زبان ہم دیمروئی دئیگی انت چیاکہ اے وہدی ما یک انچیں دمگے یئَ نشتگیں کہ اودازبان ء ءُُ لبزانک ءِ دیمروئی کنگ سک گران انت چیاکہ زبان وہدے کہ ملک ءِ زبان مہ بیت آئی ءِ دیمروئی ءِ ہاتراسر کار ہم گامیگج مہ زوریت گڈا زبان زوت گار ءُُ بیگواہ بنت۔ بلوچی ءُُ براہوئی زبان ءَ ہچ دور ءَ سرکاری سرپرستی گون نہ بوتگ۔

اے یک مزنیں جیڑہ یے کہ اے وہدی بلوچ ءُُ براہوئی زبان ہم اسکول سطح وانینگ نہ بیت۔ ادگہ خوش بہ کت انت کہ وتی ماتیں زبان ءَ علم دربر انت۔ اے وہدی سرکاری ءَ بس پہ مجبوری بلوچی ءُ براہوئی زبان سرکاری سطف وانینگ بیت آہم لنکاکانی سرا حساب بنت۔ مزن شاہدار برجاہ کوئٹۃ، تربت ءُُ دگہ یک و دو انچیں مزنیں ادارگ بنت کہ شعبہ بلوچی است اتن۔ اے وہدی اگاں بلوچی زبان ءُُ لبزانک ءَ کمے باز دیمروئی کت آبلوچی زبان ءِ شاعر ءُُ ادیبانی منت و بلوچی ءُُ براہوئی ءُُ دگہ بازہوئی دگہ بازیں لبزانکی گلانی وتی جہد انت۔

اے وہدی بازیں بلوچ ئے ماں کراچی ءَ ہم آباد انت پہ کراچی بلوچانی ہاترا سید ہاشمی وانگ جاہ ءَ پد دومی مزنیں جہد کراچی ءِ مستریں پبلک مزن شاہ دربرجاہ انت کہ اہودا کساس ہزار بچک جنک نودربر وانگ ءَ انت چیزے سال پیسر 2013 ءَ چیزے ہما دور ءِ نودربر ءُپ استیں دور ءِ استادانی جہد ءُُ کوشت ءَ ے جامعہ ءَ بلوچ سرٹیفکٹ کورس بندان کنائینت ءُُ روچے مرچی بلوچی کورس وانینگ بیت۔

اے یک مزنیں جہدے پہ بلوچ ءُُ بلوچی ءَ اے سکیں مزنٰں احسان ئے اگاں ما ادا اے نیکیں کارے کنوک پروفیسر ڈاکٹر اختر بلوچ۔ پروفیسر سلیم میمن، پروفیسر رمضان بامری ءُُ استیں بلوچی کورس ءِ استاد شرف شاد ءِ نام مگریں گڈا مزنیں زیادتی یے بیت۔ بلئے ادا چیزے ذمہ داری مئے نودربرانی ہم بنت کہ ما بائدیں کہ بلوچی کورس ءِ ہاترا پہ نوکٰں داخلہ ءَ جہد بہ کناں کہ گیش ءَ چہ گیش نودربر داخلہ بدئیناں داں کہ اے کورس ما یک شعبہ ئے درجہ برسیت چیاکہ ما ہمنچو گیش نودربر بلوچ کورس ءَ داخلہ زوراں ہمنچو گیش اشی ءِ مثبت اثرات کاینت و بہ گندئے کیت یک انچیں روچے کہ جامعہ کراچی ءَ ہم بلوچی یئِ شعبہ ئے بیت۔ا نوں ہم جامعہ کراچی ءَ بلوچی کورس داخلہ ہم بندات انت سنگت ہم کنگانا انت بائدیں پہ بلوچ ءُُ بلوچی ءِ دوستی ءَ ما اے نیکیں کارا پہ سنگتانی گوما ہمکوپگ بہ بیں۔

بلوچی ءَ کہ بلوچ ءِ زہگ نہ وانیت گڈا دگہ کئے پہ بلوچی ءَ جیڑیت۔بلوچ پہ بلوچی ءُُ بلوچستان ءَ جیڑیت اے وہدی مئے سرا ہم مزنیں راجی ذمہ واری است انت ما بائدیں چرایاں چے پراموش مہ بئیں۔

چیاکہ ہرکس ءَ وتی بہر ءِ کار وتا کنگی انت مرچی اگاں اندگہ راج ءُُ ایانی زبان ءُپ لبزانک ءِ دیمروئی کتگ گڈا آئی دیمروئی ءَ چاگردے درستیں تک ءُُ پہناتے جہد کنوکاں وتی وتی راجی ذمہ داری پہلو کتگ انت۔ مئے گوں کلیں بلوچ راج ءَ چہ دست بندی انت کہ پہ اے نیکیں و راجی کارا درست ہم کوپگ بہ بنت داں آ روچ دور نہ انت جامعہ کراچی ءَ ہم بلوچی شعبہ پچ بہ بیت۔