مستونگ: کو ئٹہ کراچی قومی شاہراہ پر کوچ کار اور مزدا ٹرک میں خوفناک تصادم 6 مسافر جاں بحق 15 سے زائد زخمی بعض کی حالت تشویشناک ہسپتال میں ایمرجنسی نافذ تفصیلات کے مطابق اتوار کی رات 9 بجے کے قریب کوئٹہ کراچی قومی شاہراہ پر سورگز کے مقام پر کوئٹہ سے کراچی جانیوالی تیز رفتارمسافر کوچ مخالف سمت سے آنے والے مزدا ٹرک کے درمیان خوفناک تصادم ہوا جبکہ اسی دروان کوچ کے پیچھے آنے والے کار بھی قابو نہ پاسکا اور کوچ سے ٹکرا گیا۔

جس کے نتیجے میں 6 مسافر موقع پر جاں بحق ہوگئے جبکہ 15 سے زائد مسافر شدید زخمی ہوئے اطلاع ملتے ہی مقامی انتظامیہ اور ریسیکوٹیمیں موقع پر پہنچ کر ایمبولینسز اور پرائیویٹ گاڑیوں میں زخمیوں اور لاشوں کو شہید نواب غوث بخش میموریل ہسپتال مستونگ منتقل کردئیے۔

جن میں بعض مسافروں کی حالت تشویشناک بتائی گئی جبکہ ہسپتال میں ایمرجنسی نافذ کر دیا اور شدید زخمیوں کو ابتدائی طبی امدادکے بعد مزید علاج کے لیئے ٹراما سینٹر کوئٹہ منتقل کر دیئے ہسپتال انتظامیہ کے مطابق جاں بحق اور زخمیوں کی اکثریت کا تعلق کوئٹہ سے ہے۔