یک رندے یک کڈک ءُُ یک مگسکے ہور لوگ ءَ جہمنند بوتاں ءُُ آہاں وتی بیر(Beer) ہور ہسیکی پوست ءِ تہا لہڑداتاں۔یک روچے کڈک ہمے لہڑیں بیران کپت ءُُ ستک ءُُ مرت۔گڈا مگسک ءَ دپ پچ لگوشت ءُُ پہ کوکار ءُُ گریوگ لوگ سرا زرت۔تہتگاں (دروازگ) جست کت مگسک تو چیا چش کوکار ءُُ زاری ءَ ئے“؟ ”ہمے واستہ کہ کڈک ءَ وتا سوتک ءُُ نشت“۔پدا تہتگاں نارگ ءُُ نزورگ بندات کت گڈا کنڈ ءَ کپتگیں روپگ ءَ پرس ات تو چیا نارگ ءُُ نرودگ ءَ ئے؟“
”من انگت مہ ناریں ءُُ مہ نرودیں؟کہ

کڈک سک ءُُ بریان بوت
گریت مگسک ءَ پہ زاری

گڈا روپگ ءَ کہ ہرزور ءَ زکت ے مان ات روپگ ءَ بندات بوت لوگ ءِ دیما کسانیں آپ ءِ ہم است ات روپگ ءَ پرس ات تو چیا چو پہ دستانی زوری ءَ روپگ ءَ ئے؟“من انگت ءَ دستانی زوری ءَ مہ روپیں کہ کڈک ستک ءُُ بریان بوت

گریت مگسک ءَ پہ زاری
تہتگاں نار ءُُ نرود ے پر
روپگ ءَ کشت وتا پہ روپگ

گڈا ہمے اوشتانکیں شیپ ءِ تہے آپ ءَ گشت گڈا من ہم تچاں ہمے گشان ءَ آئی ءَ سک تچگ بندات کنت۔آس ءَ پرس ات تو چیا بے نہود ءَ تچگ ءَ ئے؟“ من مہ تچاں انگت ءَ کہ

کڈک ستک ءُُ بریان بوت
گریت مگسک ءَ پہ زاری
تہتگاں نار ءُُ نرود ے پر
روپگ ءَ کشت وتا پہ روپگ
پدا اوستانکیں آپ اوں رہ گپت

گڈاں آس ءَ گشت گڈا من ہم روک باں گومے گپ ءَ گوں آ جمبور بوت ءُُ للک دیگ ءَ لگ اِت۔ہمے آس ءِ نزیک ءَ درچکے رستگ ات گڈا آئی ءَ جست کت آس تو چیا چو جمبور ءِ ءُُ للک دیگ ءَ ئے؟“ من للک مہ دیاں کہ
کڈک ستک ءُُ بریان بوت
گریت مگسک ءَ پہ زاری
تہتگاں نار ءُُ نرود ے پر
روپگ ءَ کشت وتا پہ روپگ
پدا اوستانکیں آپ اوں رہ گپت
آس کسانیں جمبور بوت

پدا کسانیں درچک ءَ گشت من اوں وتارا زابلیناں ءُُ ایشءَ وتارا انچو ژامبلینت ءُُ سرینت کہ دانگے تاکے ہم پشت نہ کپت۔یک کاڑے کہ گوں وتی کسانیں کمب اتک پہ چات ءَ آپ ءِ پر کنگ ءَ ،درچک ءَ را پرس اتے کہ تو چیا وتارا ژامبلینگ ءَ ئے؟ من انگت ءَ وتارا مہ ژامبلیناں کہ

کڈک ستک ءُُ بریان بوت
گریت مگسک ءَ پہ زاری
تہتگاں نار ءُُ نرود ے پر
روپگ ءَ کشت وتا پہ روپگ
پدا اوستانکیں آپ اوں رہ گپت
ءُُ آس کسانیں جمبور بوت

کسانکیں کاڑ ءَ گشت ءُُ گڈا من ہم وتی کمب ءَ پروشاں ءُُ آئی ءَ وتی کمب پروشت پدا چات ءِ آپ ڈن ءَ دراتک ءُُ کاڑے پرس ایت کہ بانکیں کاڑک تو وتی کمب ءَ را پرچہ پروشت؟ من وتی کمب ءَ مہ پروشاں؟ کہ

کڈک ستک ءُُ بریان بوت
گریت مگسک ءَ پہ زاری
تہتگاں نار ءُُ نرود ے پر
روپگ ءَ کشت وتا پہ روپگ
پدا اوستانکیں آپ اوں رہ گپت
ءُُ آس کسانیں جمبور بوت
ءُُ درچک کسانیں لرزان بوت

چات ءَ گشت اپسوز ءُُ ارمان،گڈا من ڈن ءَ درکایاں ءُُ تچاں،ہمے گپ ءَ گوں آپءَ ترندی ءَ تچگ بنا کت پمشکہ کاڑ،درچک،آس،اوشتانکیں آپ،روپگ،تہتگ،مگسک ءُُ کڈ درست ہوری ءَ بک اِتاں۔