شپ ءِ باریں کجام پاس ءَ من کوہی میتگ ءَ سر بوت انت۔بلئے اے میتگ ءِ تہا ھچ مردم نیست ات دل ءَ اتک کہ کوکار بکناں۔من گُٹ ءِ پُر ءَ گوانگ جت۔ کسے است اِنت؟؟؟بلئے کس ءَ منی گوانگ ءِ پسو نہ دات،من پدا توار ترند تر کت۔

کسے است انت اے میتگ ءَ؟؟؟؟؟۔۔۔۔۔بلئے پد گوانگے منی گوشاں سر نہ بوت۔دل پروش بوتاں کہ اے میتگ ھالیگ انت،من مپت ءَ ادءَ اتکگ اَنت۔من واتر وتی راہ ءَ رھادگی اِت اَنت کہ یک بلاھیں رسترے ءَ منی سرا اُرش کت۔نزانت چے بکناں سد ءُُ سما ءَ من اے سہت ءَ یل کتگ اَت۔سنچ انچو بند اَت

کہ وتی جند اوں پجا نیارت۔باریں چون ءُُ چتور وتی ساہ من برزی کوہ ءَ سر کت۔۔وھدے کوہ ءَ جہل چار اِت گنداں زمین ءَ رستران جاگہ نیست۔چماں کار کت ھشکیں رستر اَنتھمے کوہ کہ من آئی ءِ سربر ءَ ات اَنت آچاریں آتراتاپان رستراں انگیر کتگ اَت۔

نوں روچ اَت بلئے روچ ءَ را سیاہی ءَ انچو اندیم کتگ اَت کہ شپ گمان بوت۔آزمان ءَ استالے دانگے نیست اَت۔۔۔۔۔ھیران بوتان بلئے یک کلہ یے گمان کت کہ اے منی وہم انت دوبر آزمان چارت داں گنداں استال زمین ءَ اتکگ ءُُ زمین ءِ رستر آزمان ءَ شتگ انت۔

دور توارے منی گوشاں پیداک اَت کہ”تئی ھال منی وڑ ءَ بیت“۔”تئی ھال منی وڑ ءَ بیت“۔ من نزانت کہ اے کئی توار انت،اے کے انت؟کہ منءَ گوانگ جنگ ءَ انت،وھدے چماں ھما مرد ءَ کپتاں داں جان ءَ لرزگے زرت کہ اے ھدامرزی اِنت کہ زیکیں روچ ءَ ایشیءَ را رستراں وارتگ اَت۔