کوہلو : کورونا وائرس کے پیش نظر کوہلو میں لیویز فورس کی جانب سے شہر کے مختلف گلی محلوں میں جراثیم کش اسپرے کیا جارہا ہے۔
اس موقع پر رسالدار میجر لیویزشیر محمد مری کا کہنا تھا کہ لیویز فورس کی جانب سے کورونا وائرس کے پیش نظر شہر کے مختلف گلی محلوں نیوکلی،مری کالونی،پیپلز کالونی،مری آباد،مدینہ کالونی،کلی فیروزئی،کلی فیض محمد چرمئی،آزاد شہر،کلی سردار فیروز خان،ہسپتال کالونی سمیت مختلف گلی محلوں میں روزانہ کی بنیاد پر صبح اور شام لیویز کی دو گاڑیاں جراثیم کش اسپرے کررہی ہیں تاکہ صفائی کی صورتحال کو برقرار رکھ سکیں۔
انہوں نے کہا کہ کرونا وائرس کی احتیاطی تدابیر کے حوالے سے لیویز کی جانب سے بلوچی زبان میں شہر کے مختلف علاقوں میں لاؤڈ اسپیکر کے ذریعے اعلانات بھی کئے جارہے ہیں تاکہ لوگ زیادہ سے زیادہ تعداد میں اپنے گھروں میں رہے ضروری کام کے علاوہ بازار کا رخ نہ کریں،پر ہجوم اور رش کی جگہ پر اکٹھا نہ ہوں اور اجتماعات سے گریز کریں انہوں نے کہا کہ عوام ضلعی انتظامیہ کا ساتھ دے کر کورونا وائرس کو پھیلنے سے بچائے۔