کوہلو : کورونا کے خلاف جنگ میں لیویز فورس بھی پیش پیش ہے،لیویز فورس نے کورونا سے بچاؤ کی آگاہی مہم میں حصہ لیتے ہوئے شہر میں مفت ماسک تقسیم کئے اس حوالے سے شہریوں کو احتیاطی تدابیر اختیار کرنے کی ہدایات بھی دی گئی.

اس موقع پر رسالدار میجر شیر محمد مری کا کہنا تھا کہ ڈی جی لیویز مجیب الرحمن قمبرانی کی خصوصی احکامات کی روشنی میں لیویز فورس کے جوانوں نے شہر کے دکانوں اورمختلف گلی محلوں میں 300سے زائد فیس ماسک تقسیم کئے گئے.

انہوں نے کہا کہ ایک اچھا شہری ہونے کے ناطے ہم سب کو مل کر عام لوگوں میں موذی وبا سے بچنے کیلئے اپنی اپنی کوشش کرنی ہے اس وقت ہمیں متحد ہونا ہے اور اس وبا سے لڑ کر اس کو ہرانا ہے۔انہوں نے اپنے لئے اور اپنوں کے مستقبل کے لئے کورونا سے خوف زدہ ہونے کے بجائے احتیاطی تدابیر پر عمل کرنا ضروری ہے مشکل کی اس گھڑی میں پوری قوم نے مل کر حکومت کا ساتھ دینا ہے ہم سب کو مل جل کر کورونا وائرس کے خلاف لڑنا ہوگا۔