قلات: قلات پولیس کی کاروائی پولیس کے مطلوب دہرے قتل میں ملوث ملزم سمیت تین اشتہاری ملزمان گرفتار ایک ملزم کے قبضے سے ایک عدد پسٹل دو عدد میگزین اور نو عدد راؤنڈز بھی برآمد کر لیا ہے۔
ایڈیشنل ایس ایچ او قلات نزیر احمد عمرانی کے مطابق قلات پولیس کو خفیہ اطلاع ملی کہ پولیس کو مطلوب دہرے قتل میں ملوث ملزم سمیت تین اشتہاری ملزمان مختلف مقامات پر چھپے ہوئے ہیں۔
جس پر ایس ایس پی قلات اسکارڈن لیڈر (ر) عبدالحق عمرانی کی خصوصی ہدایت پر ڈی ایس پی غلام حسین باجوئی کی نگرانی میں ایڈیشنل ایس ایچ او نزیر احمد عمرانی اے ایس آئی نزیر احمد شاہ کی قیادت میں پولیس کی ایک ٹیم نے اسکلکو میں دوالگ الگ مقامات پر چھاپے مار کر دہرے قتل میں مطلوب اشتہاری ملزم عبدالقادر ولد قادر بخش قوم شاہوانی اور لڑائی جھگڑے کی مقدمے میں پولیس کو مطلوب اشتہاری ملز م عید محمد ولد غوث بخش قوم شاہوانی کو دھر لیا۔
جبکہ سرچ آپریشن کے دورران ایک ملزم محمد عمر ولد فقیر محمد قوم شاہوانی کو گرفتار کر کے اس کے قبضہ سے ایک عدد ٹی ٹی پسٹل بمہ دو عدد میگزین اور نو عدد کارتوس برآمد کر لیا ہے قلات پولیس تمام ملزمان سے مزید تفتیش کررہی ہیں۔