صحبت پور : صحبت پور کے مختلف علاقوں میں ٹڈی دل کا حملہ گھروں اور فصلات پر حملہ کردیا اور کھیتوں میں کھڑی فصلوں کو شدید نقصان پہنچا دیا علاقہ مکینوں کے گھروں میں بھی ٹڈی دل نے ڈیرے ڈال دی صحبت پور کے نواحی علاقوں گوٹھ غلام محمد کنرانی اور موج الدین کنرانی سمیت کئی علاقوں میں ٹڈی دل کا ایک بارپھر حملہ سبزیاں ودیگر کھڑی فصلوں اور گھروں میں پہ بھی حملہ کردیا۔

علاقہ مکین شدید ازیت میں مبتلا ہوگئے علاقہ مکینوں کا کہنا تھا کہ ایک طرف کرونا وائرس تو دوسری جانب ٹڈی دل نے ہماری فصلوں اور سبزیوں کو شدید نقصان پہنچایا ہے اور اس بار تو ٹڈی دل نے ہمارے گھروں میں ہی ڈیرے ڈال رکھے ہیں نہ دن کو سکون ہے اور نہ ہی رات کو آرام کھانا پینا اٹھنا بیٹھنا ٹڈی نے مشکل بنا دیا ہے۔

ساری ساری رات بچے بڑے خواتین سب جاگ کر گزاررہے ہیں۔لاکھوں روپے کی فصلیں اور سبزیاں تباہ ہوچکی ہیں۔علاقہ مکین اپنی مدد آپ ٹڈی ذل کو بھگانے کی کوششوں میں مصروف ہیں۔ مگر اب تک ہمارے پاس نہ کوئی حکومتی نمائندہ آیا ہے اور نہ ہی انتظامیہ۔انہوں نے ڈپثی کمشنر صحبت پور سے اس ساری صورتحال کا فوری نوٹس لینے اور ٹڈی دل سے چھٹکارے کیلیے اسپرے کرنے کا مطالبہ کیا ہے۔