خضدار : تحصیل زہری میں ٹریفک کے المناک حادثے میں ہیڈ ماسٹر ہائی اسکول کرخ حاجی علی نواز جاموٹ دو خواتین ایک بچہ سمیت چار افراد جاں بحق دو زخمی ہوگئے۔
واقع بدوکشت کے مقام پر دو کاروں کے درمیان تصادم کے باعث پیش آیا لیویز ذرائع کے مطابق جمعہ کو زہری میں بدوکشت کے قریب حاجی علی نواز جاموٹ خضدار سے زہری جا رہے تھے مخالف سمت سے آنے والی مہران کار سے تصادم ہوا حادثے کے نتیجے میں ہیڈ ماسٹر ہائی اسکول کرخ حاجی علی نواز جاموٹ،دو خواتین اور ایک بچہ موقع پر جاں بحق ہوگئے جبکہ دوست محمد اور لیویز اہلکار زبیر احمد شدید زخمی ہوگئے۔
ہیڈ ماسٹر ہائی اسکول حاجی علی نواز جاموٹ کا تعلق کرخ جب کہ دیگر جاں بحق افراد کا تعلق زاوہ خضدار سے بتایا گیا ہے دلخراش ٹریفک حادثے کی نتیجے میں قیمتی جانوں کے ضیاع پر عوامی حلقوں کی جانب سے افسوس کا اظہار کیا گیا ہے۔
واضح رہے ٹریفک حادثے میں جاں بحق حاجی علی نواز شعبہ تعلیم اور علمی حلقوں میں نمایا ں مقام رکھتے تھے انکی فرض شناسی اور علم دوستی ان کا طرہ امتیاز اور وجہ شہرت تھی حاجی علی نواز کی ناگہانی موت پر محکمہ تعلیم کے مقامی افسران اور علم دوست نے شدید رنج و غم کا اظہار کیا ہے اور انکی خدمات کو سراہا ہے۔