دکی: بلوچستان کے ضلع دکی میں مندے ٹک کے علاقے میں ٹرک نے موٹر سائیکل سواروں کو کچل ڈالا جس کے نتیجے میں 2 موٹرسائیکل سوار جاں بحق ہوگئے جبکہ ٹرک ڈرائیور ٹرک بھگا کر فرار ہوگیا۔پولیس کے مطابق بلوچستان کے ضلع دکی کے علاقے مندے ٹک میں ٹرک نے موٹر سائیکل کو ٹکر مارکر کچل ڈالا۔پولیس کے مطابق حادثے میں دو کمسن بچے جوکہ موٹرسائیکل سوار تھے موقع پر جاں بحق ہوگئے۔
ٹرک ڈرائیور جائے وقوعہ سے ٹرک بھگا کر فرار ہوگیا۔مسافروں نے دونوں لاشوں کو سول ہسپتال دکی منتقل کردئیے۔جان بحق ہونے والے بچوں میں 14 سالہ خالقداد ولد داد محمد اور 12 سالہ مطیع اللہ ولد عصمت اللہ اقوام اچکزئی ساکنان کلی ملا بشیر دکی شامل ہیں۔
دونوں بچے کوئلہ کے ٹرکوں میں کوئلہ سے میٹ اٹھانے (میٹ کولی) کا کام کرتے تھے۔پولیس ٹرک ڈرائیور اور ٹرک کی تلاش میں نکل گئی ہیں۔حادثے میں جانبحق ہونے والے دونوں بچوں کی لاشیں ہسپتال منتقل کرکے ضروری کاروائی کے بعد ورثا کے حوالے کردی گئی۔