نصیر آباد : ڈیرہ مراد جمالی کے قریب قومی شاہراہ پر واقعے منی پیڑول پمپ میں اچانک آگ لگ گئی تین افراد جھلس کر زخمی ہوگئے۔
قریب واقعے پیڑول پمپ دکانات اور گاڑیوں کو بھی نقصان پہنچا پولیس کے مطابق ڈیرہ مراد جمالی کے قریب نوتال پولیس تھانہ کی حدود ڈیرہ رحمان جمالی ربیع میں مین قومی شاہراہ پر واقعے منی پیڑول پمپ میں گزشتہ شب اچانک آگ بھڑک اٹھی جس کے سبب تین افراد جھلس کر زخمی ہوگئے جنھیں فوری طور پر ہسپتال پہنچادیا گیا۔
آگ اتنی شدید تھی کہ قریبی ایک اور منی پیڑول پمپ اور دوکانوں سمیت 2گاڑیوں کو بھی اپنی لپیٹ میں لے لیااطلاع ملنے پر ڈیرہ مرادجمالی سے فائربرگیڈ کی دو گاڑیاں موقع پر پہنچ گئیں اور آگ پر بڑی جدوجہد کے بعد قابو پالیا گیا پولیس نے اس حوالے سے مزید تحقیقات شروع کردی ہے۔