صحبت پور:صحبت پور میں پہلی بار تین خواتین میں کرونا وائرس ٹیسٹ مثبت آیا۔دوروز قبل ضلعی انتظامیہ و محکمہ صحت کی جانب سے صحبت پور سٹی سے تعلق رکھنے والے 12مشتبہ مریضوں کے کرونا ٹیسٹ کے لئے سمپلز لئے گئے تھے
جن میں سے آج 08افراد کے رزلٹ آگئے۔جن میں 05افراد کے کرونا وائرس رزلٹ منفی آئے جبکہ 03خواتین کے کرونا وائرس کے رزلٹ مثبت آگئے ہیں۔
ڈپٹی کمشنر صحبت پور محمد یونس سنجرانی اور ڈسٹرکٹ ہیلتھ آفیسرصحبت پور ڈاکٹر محمد اکبر کھوسہ نے03خواتین کے کرونا وائرس ٹیسٹ مثبت آنے کی تصدیق کر دی۔
صحبت پور میں پہلی بار کرونا وائرس کے مریض سامنے آنے سے محکمہ صحت متحرک ہو گئی اور متاثرہ مریضوں کے رابطے معلوم کرنا شروع کر دیئے۔
جبکہ تین خواتین میں کرونا ٹیسٹ مثبت آنے کے بعد انھیں اپنے اپنے گھروں میں آئیسولیٹ کر دیا گیا اور محکمہ صحت کی جانب سے انھیں ضرورت کی ادویات ودیگر اشیاء فراہم کر دی گئیں ہیں۔