عالمی ادارہ صحت کے ڈائریکٹر جنرل تیدروس غیبرسز نے کہا ہے کہ اس وقت ہمیں وائرس سے زیادہ بڑا خطرہ عالمی طور پر یکجہتی اور لیڈرشپ کے فقدان کا ہے۔

ایک ویڈیو کانفرنس سے خطاب کرتے ہوئے انھوں نے کہا کہ ہم تقسیم ہو کر اس وائرس کا مقابلہ نہیں کر سکتے ہیں۔

امریکی صدر ڈونلڈ ٹرمپ کا نام لیے بغیر ان کا کہنا تھا کہ گذشتہ ہفتے امریکی رہنما نے کہا تھا کہ وہ اس ادارے کے ساتھ اپنے تعلقات ختم کر دیں گے۔ خیال رہے کہ امریکہ دنیا میں سب سے زیادہ عالمی ادارہ صحت کو امداد دیتا ہے۔

صدر ٹرمپ نے یہ دعویٰ کیا تھا کہ عالمی ادارہ صحت مکمل طور پر چین کے زیر اثر ہے۔