خضدار: پاکستان پیپلزپارٹی ڈسٹرکٹ خضدار کے صدر سجاد زیب محمدحسنی جنرل سیکرٹری عبدالحیم خدرانی سٹی صدر جمیل قادرزہری پیپلزیوتھ کے صدر امیدعلی موسیانی نے کہاہے کہ بی بی شہید کی بیٹی شہید بھٹو کی نواسی عکس بینظیر تصویر بینظیر پانچ دریاؤں کی سرزمین صوفیااور درویشوں کی سرزمین پر 30 نومبر ملتان آرہی ھے آمریت کو للکارنے آرہی ہے۔

اور آمریت سلیکٹیڈ سلیکیٹرز اس نہتی لڑکی سے آصفہ بھٹو زرداری سے اتنی خوفزدہ ہیں کہ آمریت اپنی بدترین شکل میں اپنی پوری بربریت کے ساتھ برہنہ ہوکر ملتان کے قاسم باغ میں ضیاالحق کی آمریت کے سارے فسطائی حربے تشدد ظلم جبر استعمال کررہی ہے۔

لاٹھی چارج گھروں پر چھاپے چادر اور چار دیواری کی پامانی اور معصوم سیاسی کارکنوں کی گرفتاریاں کررہی ہے سب ہتھکنڈے استعمال کررہی ہے۔ کیوں صرف اس لئے کہ پیپلزپارٹی پنجاب کی دھرتی پر اپنی جنم بھومی پر اپنا یوم پیدائش اپنا یوم تاسیس نہ مناسکے۔

انہوں نے کہاکہ آمریت کی پیداوار پروپیگنڈہ اپنے دلوں کو تسلی دے رہی ہے کہ پیپلزپارٹی کا تو پنجاب میں وجود ہی نہیں پیپلزپارٹی تو پیپلزپارٹی کی کارکن اسے چھوڑچکے مگر ان کا خوف بتارہا ہے ان کے ہتھکنڈے بتارہے ہیں ان کی بوکھلاہٹ ہے۔