تربت: تربت ائیرپورٹ کے تیل لانے والی پی ایس اوکی آئل ٹینکر پرنامعلوم موٹرسائیکل سواروں کی فائرنگ، گاڑی کو 2گولیاں لگی ہیں ایک شیشہ ٹوٹ گیا، گاڑی کے تیل اور ڈرائیور محفوظ۔
پولیس ذرائع کے مطابق تربت کے نواحی علاقہ ڈنک کے قریب پی ایس او کی آئل ٹینکر نمبر TNH-0940پر نامعلوم موٹرسائیکل سواروں نے فائرنگ کی جس سے 2گولیاں آئل ٹینکر کولگی ہیں ایک گولی شیشہ کو جبکہ دوسری گولی گاڑی کی باڈی کولگی ہے، جس سے شیشہ ٹوٹ گیاہے تاہم گاڑی ڈرائیور نمروز خان ساکن ٹانک (کے پی کے) اور گاڑی پرلدے تیل بھی محفوظ رہے، پولیس ذرائع کے مطابق آئل ٹینکر کراچی سے تربت آرہی تھی جس پر تربت ائیرپورٹ کے تیل تھے، ملزمان فرار ہونے میں کامیاب ہوگئے، پولیس نے ملزمان کی تلاش شروع کردی ہے۔