بیلہ: حب سے خضدار جانے والی پک اپ الٹ گئی ایک ہی خاندان کے خواتین بچوں سمیت 10 افراد زخمی سول ہسپتال بیلہ میں طبی امداد دینے کے بعد کراچی منتقل تفصیلات کے مطابق اتوار کے روز حب سے خضدار جانے والی پک اب نمبر PAA786 جس میں ایک ہی خاندان کے افراد سوار تھے بیلہ کے قریب آر سی ڈی شاہراہ کنڈی کے مقام پر ٹائر برسٹ ہوجانے سے الٹ گئی۔
جس میں مشکے سے تعلق رکھنے والے عائشہ دختر علی اکبر عضرا زوجہ محمد حسن مہ پری دختر علی اکبر ناز جان زوجہ علی اکبر شہناز اکبر دختر علی اکبر نصر اللہ ولد محمد حسن علی اکبر ولد غلام جان زرار اکبر ولد علی اکبر ابرار اکبر ولد علی اکبر نوروز اکبر ولد علی اکبر زخمی ہوگئے جنہیں لیویز فورس بیلہ نے سول ہسپتال بیلہ پہنچا کر طبی امداد دلانے کے بعد مزید علاج کے لئے کراچی منتقل کرکے تفتیش شروع کر دی۔