اسلام آباد: چیئرمین سینیٹ صادق سنجرانی نے کہا ہے کہ وزیر اعظم عمران خان کا مشکور ہوں جنہوں نے مجھے نامزد کیا، میں اور وزیراعلیٰ بلوچستان جام کمال اتحادیوں کے ساتھ رابطے میں ہوں۔

میڈیا سے گفتگو کرتے ہوئے صادق سنجرانی نے کہا کہ پرویز الہٰی نے کہا کہ وہ خود آکر چیئرمین سینیٹ کی انتخابی مہم چلائیں گے۔صحافی نے سوال کیا کہ جیت کے لیے کتنے پر امید ہیں، جس کے جواب میں انہوں نے کہا کہ ان شاء اللّٰہ سب خیر ہوگا، جو نمبر گیم ہے اس وقت پتہ چلے گا جب رزلٹ آئے گا۔ صادق سنجرانی نے کہا کہ ایم کیو ایم کے کنوینر خالد مقبول صدیقی سے (آج) جمعہ کو ملاقات کریں گے۔