خضدار: خضدارکوئٹہ کراچی قومی شاہراہ این 25پر ٹریفک کا ایک اور المناک حادثہ باپ بیٹے سمیت تین افراد جاں بحق جاں بحق افراد مولہ چٹوک میں پکنک منانے کے بعد واپس اپنے علاقہ کراچی جارہے تھے کہ ڈراکھالہ کے مقام پر حادثہ کا شکار ہو گئے۔
وڈھ لیویز کے مطابق اتوار کو علی الصبح کوئٹہ کراچی قومی شاہراہ دراکھالہ عمرانی اسٹاپ کے مقام پر ضلع خضدار کے مشہور سیاحتی مقام مولہ چٹوک سے پکنک مناکر واپس کراچی جانے والے موٹر سائیکل سواروں اورکوئٹہ سے کراچی جانے والی مسافر بس کے درمیان تصادم ہوا جس کے نتیجے۔ میںلیاری کراچی کے رہائشی عبدالکریم اسکا بیٹا محمد بلال اور شاہد میر ولد امان اللہ موقع پر جاں بحق ہوگئے۔
اطلاع ملتے ہی ریسکیو 1122 اور لیویز فورس کے جوان موقع پر پہنچنے نعشوں کو سول ہسپتال وڈھ ہسپتال پہنچایا گیا جہاں ضروری کارروائی کے بعد نعشیں ورثاء کے حوالے کر دی گئی جنہیں لیویز فورس نے ڈپٹی کمشنر خضدار کی ہدایت پر ایمبولینس کے ذریعے لیاری کراچی روانہ کردیا گیاجبکہ لیویز نے کوچ ڈرائیور سید عبدالغفور کو گرفتار کرکے واقع سے متعلق تحقیقات شروع کردی ہے